பப்ஜி ரசிகர்களுக்கு ஓர் குட் நீயூஸ்..!பேட்டில்கிரவுண்ட் கேம் ரிலீஸ் தேதி குறித்த தகவல்..!

• பேட்டில்கிரவுண்ட் மொபைல் இந்தியா கேமானது ஜூன் 18 ம் தேதி வெளியிடப்படும் என புதிய தகவல் வெளியாகியுள்ளது.

கடந்த ஆண்டு டிக்டாக் செயலி உள்ளிட்ட சீனாவின் மொபைல் போன் அப்ளிகேஷன்கள் அனைத்தும் இந்தியாவில் தடைவிதிக்கப்பட்டதை தொடர்ந்து,பிரபல மொபைல் கேம் ஆன பப்ஜி விளையாட்டும் இந்தியாவில் தடை செய்யப்பட்டது.

இதனால்,பப்ஜிக்கு மாற்றாக ஏதேனும் புதிய மல்டி பிளேயர் கேம் வருமா? என பப்ஜி ரசிகர்கள் காத்திருந்தனர்.

இதனையடுத்து,தென் கொரியாவின் வீடியோ கேம் டெவலப்பரான கிராப்டன்,பப்ஜி மொபைல் கேமை போன்று,பேட்டில்கிரவுண்ட் மொபைல் இந்தியா (Battlegrounds Mobile India) என்ற கேமை வடிவமைத்துள்ளதாகவும், விரைவில் இந்தியாவில் அறிமுகம் செய்யவுள்ளதாகவும் அறிவித்தது.

அதன்படி,கடந்த மே 18 ஆம் தேதியிலிருந்து,கூகுள் பிளே-ஸ்டோரில்,பேட்டில்கிரவுண்ட் மொபைல் இந்தியா செயலிக்கான முன்பதிவும் தொடங்கி,20 மில்லியன் பதிவுகளை பெற்றது.ஆனால்,கேமின் வெளியீட்டு தேதி குறிப்பிடப்படவில்லை.

இதன்காரணமாக,இந்தியாவில் பப்ஜி ரசிகர்கள்,பேட்டில்கிரவுண்ட் மொபைல் இந்தியா கேம் வெளியீட்டு தேதி குறித்து,மிகவும் உற்சாகமாக மற்றும் ஆர்வமாக காத்திருக்கின்றனர்.

இதனால்,அதன் டெவலப்பர்கள்,ஒரு புதிய டீஸர் வெளியிட்டு  பேட்டில்கிரவுண்ட் மொபைல் இந்தியாவின் வெளியீட்டு தேதிகளை மறைமுகமாக வெளிப்படுத்தினர்.

இந்நிலையில்,பேட்டில்கிரவுண்ட் மொபைல் இந்தியா ஜூன் 18 ம் தேதி வெளியிடப்படும் என புதிய தகவல் வெளியாகியுள்ளது.