மேடையில் மயங்கி விழுந்த முதல்வரை தாங்கி பிடித்த பாதுகாவலர்…!

குஜராத் முதல்வர் விஜய் ரூபானி அவர்கள், வதோதரா பகுதியில் நடைபெற்ற பொதுக்கூட்டம் ஒன்றில் பேசிய போது மயங்கி விழுந்தார். 

குஜராத் முதல்வர் விஜய் ரூபானி அவர்கள், வதோதரா பகுதியில் நடைபெற்ற பொதுக்கூட்டம் ஒன்றில் கலந்து கொண்டு, மக்களுக்கு நலத்திட்ட உதவிகளை வழங்கினார். அப்போது அந்த நிகழ்வில் பேசிக் கொண்டிருந்த முதல்வர் திடீரென மயங்கி விழுந்தார். இதனை கவனித்துக் கொண்டிருந்த பாதுகாவலர் விரைந்து வந்து அவரை தாங்கி பிடித்தார்.

இதனை தொடர்ந்து அவருக்கு மேடையிலேயே முதலுதவி அளிக்கப்பட்ட நிலையில், பின் மருத்துவமனைக்கு கொண்டு செல்லப்பட்டார். இதுகுறித்து பாரத் டேஞ்சர் அவர்கள் கூறுகையில், ‘கடந்த 2 நாட்களாகவே முதல்வருக்கு உடல்நிலை சரியில்லை. ஆனால், அவர் பொது கூட்டங்களை ரத்து செய்யாமல் கலந்து கொண்டார். தற்போது அவர் நலமாக உள்ளார்.’ என தெரிவித்துள்ளார்.