பாரத் பயோடெக்கின் மூக்குவழியாக செலுத்தும் சொட்டு மருந்து வடிவிலான தடுப்பூசியின் 2 மற்றும் 3 கட்ட பரிசோதனையை டெல்லி எய்ம்ஸ் விரைவில் மேற்கொள்ள உள்ளது.
கொரோனா வைரஸ் நோய்க்கு எதிராக பாரத் பயோடெக் இன்டர்நேஷனல் லிமிடெட் நிறுவனத்தின் மூக்கு வழியாக செலுத்தும் சொட்டு மருந்து வடிவிலான தடுப்பூசியின் 2 மற்றும் 3 ஆம் கட்ட சோதனைகள், டெல்லியில் உள்ள அகில இந்திய மருத்துவ அறிவியல் நிறுவனத்தில் (எய்ம்ஸ்) “ஓரிரு வாரங்களுக்குள்” தொடங்கும் என்று ஏஎன்ஐ செய்தி நிறுவனம் தெரிவித்துள்ளது.
ஹைதராபாத்தை தளமாகக் கொண்ட பாரத் பயோடெக் நிறுவனம் கடந்த ஆகஸ்ட் மாதம் பிபிவி154 (BBV154) இன்ட்ரானசல் தடுப்பூசியின் இரண்டாவது மற்றும் மூன்றாவது கட்ட சோதனைகளை நடத்துவதற்கான ஒழுங்குமுறை ஒப்புதல்களைப் பெற்றது.
இந்த இரண்டு நிலைகளுக்கும், எய்ம்ஸ் நெறிமுறைக் குழுவின் கட்டாய அனுமதி தேவை, இதற்காக ஏற்கனவே விண்ணப்பம் சமர்ப்பிக்கப்பட்டுள்ளது.அதன்படி,எய்ம்ஸின் ஒப்புதலைப் பெற்றவுடன், இரண்டு வாரங்களுக்கு இடையில் நான்கு வார இடைவெளியில், தன்னார்வலர்களுக்கு இரண்டு டோஸ் செலுத்தப்படும்.
இத்தகைய சோதனைகள் டாக்டர் சஞ்சய் ராய் தலைமையில் நடைபெறும். இரண்டாவது கட்டம் முழுமையாக முடிந்த பின்னரே மூன்றாவது கட்டம் தொடங்கும் என தெரிவிக்கப்பட்டுள்ளது.
மேலும்,பிபிவி154 நாட்டில் மனித சோதனைகளுக்கு உட்படுத்தப்பட்ட முதல் கொரோனா தடுப்பூசி மருந்து என்பது குறிப்பிடத்தக்கது. பயோடெக்னாலஜி துறை (DBT) மற்றும் பயோடெக்னாலஜி இன்டஸ்ட்ரி ரிசர்ச் அசோசியேட் கவுன்சில் (BIRAC) ஆகியவற்றின் ஆதரவுடன் இந்த தடுப்பூசி உருவாக்கப்பட்டுள்ளது.இந்த சோதனைகள் முடிந்து மக்கள் பயன்பாட்டிற்கு விரைவில் வரும் என எதிர்பார்க்கப்படுகிறது.
பாரத் பயோடெக் நிறுவனத்தின் கோவாக்சின் தடுப்பூசி செலுத்தும் பணி ஜனவரி 16 அன்று தொடங்கியது.அதன் 3 வது கட்ட மருத்துவ பரிசோதனைகளில், கோவாக்சின் கொரோனா அறிகுறிகளுக்கு எதிராக 77.8% மற்றும் நோயின் கடுமையான தாக்கத்திற்கு எதிராக 93.4% செயல்திறனை வெளிப்படுத்தியது என்பது குறிப்பிடத்தக்கது.
மதுரை : இன்று மதுரையில் மார்க்சிஸ்ட் கம்யூனிஸ்ட் கட்சியின் 24வது மாநாடு நடைபெற்று வருகிறது. வரும் ஏப்ரல் 6ஆம் தேதி…
சென்னை : டெல்லி நாடாளுமன்றத்தில் நேற்று நள்ளிரவு எதிர்க்கட்சி உறுப்பினர்களின் கடும் எதிர்ப்புகளை மீறி வக்பு வாரிய சட்டத்திருத்த மசோதாவை…
சென்னை : கோடை காலத்தில் கொளுத்தும் வெயியிலின் தாக்கத்தின் காரணமாக உடல் சூட்டை தணிக்க பொதுமக்கள் தர்பூசணி பழத்தை விரும்பி…
சென்னை : நேற்றைய தினம் தமிழ்நாடு சட்டமன்றப் பேரவையில் கச்சத்தீவை மீட்க வலியுறுத்தி தீர்மானம் நிறைவேற்றப்பட்ட நிலையில், இன்று இலங்கை அரசுடன்…
சென்னை : தமிழ்நாடு சட்டப்பேரவையில் மானிய கோரிக்கைகள் மீதான விவாதம் கடந்த வாரம் தொடங்கி தொடர்ந்து நடைபெற்று வருகிறது. இதில்…
மும்பை: இந்திய அணியின் தொடக்க ஆட்டக்காரர் யஷஸ்வி ஜெய்ஸ்வால், உள்ளூர் போட்டிகளில், அடுத்த சீசனில் இருந்து கோவா அணிக்கு விளையாட…