கர்நாடகாவில் கொரோனா உயிரிழப்பு 6,000-ஐ நெருங்குகியது.!

கர்நாடகாவில் கடந்த 24 மணி நேரத்தில் 9,860 பேருக்கு கொரோனா தொற்று உறுதி செய்யப்பட்டுள்ளது.

கர்நாடகாவில் இன்று ஒரே நாளில் 9 ஆயிரத்தை தாண்டி கொரோனா தொற்று பாதிப்பு பதிவாகியுள்ளது. அந்த வகையில், இன்று ஒரே நாளில் 9,860 பேருக்கு கொரோனா இதனால் மொத்த கொரோனா பாதிப்பு 3,61,341 ஆக அதிகரித்துள்ளது.

மேலும், இன்று ஒரே நாளில் 6,287 பேர் மருத்துவமனையில் இருந்து டிஸ்சார்ஜ் செய்யப்பட்டுள்ளனர். இதுவரை 2,60,913 பேர் குணமடைந்து வீடு திரும்பியுள்ளனர். தற்போது மருத்துவமனையில் 94,459 பேர் சிகிச்சை பெற்று வாருகின்றனர்.

இதற்கிடையில் தினமும் 100-க்கும் மேற்பட்ட கொரோனாவால் உயிரிழப்புகள் பதிவாகி வருகிறது. இன்று ஒரே நாளில் 113 பேர் உயிரிழந்ததால் இதுவரை பலியானவர்களின் எண்ணிக்கை 5,950 ஆக உயர்ந்துள்ளது.