அயோத்தி வழக்கில் சமரச தீர்வு…..வழக்கை ஒத்திவைத்து உச்சநீதிமன்றம்…!!

• அயோத்தி இடம் யாருக்கு என்பது தொடர்பாக உச்சநீதிமன்றத்தில் வழக்கு விசாரணை நடைபெற்று வருகின்றது.
• இந்த வழக்கில் சமரசமாக தீர்வு காண போவதாக கூறி உச்சநீதிமன்றம் இந்த வழக்கை ஒத்திவைத்தது.

அயோத்தியில் சர்ச்சைக்குரிய நிலம் யாருக்கு சொந்தம் என்பது தொடர்பான மேல்முறையீட்டு வழக்கினை இன்று முதல், 5 நீதிபதிகள் கொண்ட உச்ச நீதிமன்றத்தின் அரசியல் சாசன அமர்வு விசாரிக்க உள்ளது. அயோத்தியில், 1992 ஆம் ஆண்டு டிசம்பர் 6 ஆம் தேதி பாபர் மசூதி இடிக்கப்பட்டது. பெரும் அதிர்வலைகளை ஏற்படுத்திய இந்த சம்பவத்திற்கு முன்பிருந்தே, அங்குள்ள 2 புள்ளி ஏழு ஏழு ஏக்கர் நிலத்தை உரிமை கொண்டாடுவதில் பிரச்சினை இருந்தது.

அந்த நிலத்தை, ராம் லல்லா, நிர்மோஹி அஹாரா, சன்னி வக்பு வாரியம் ஆகிய மூன்று தரப்பினரும் சரி சமமாக பிரித்துக்கொள்ள, 2010ல் அலகாபாத் உயர்நீதிமன்றம் தீர்ப்பளித்தது. இதனை எதிர்த்து உச்ச நீதிமன்றத்தில் தொடுக்கப்பட்ட மேல்முறையீட்டு வழக்கினை தலைமை நீதிபதி ரஞ்சன் கோகாய் தலைமையிலான 5 நீதிபதிகள் கொண்ட அரசியல் சாசன அமர்வு விசாரணைக்கு மாற்றப்பட்டது.

இன்று விசாரணைக்கு வந்த இந்த வழக்கில் இந்த விவகாரம் தனியார் நிலம் தொடர்பானது அல்ல இது மிகவும் ஒரு முக்கியத்துவம் வாய்ந்த விசயம் எனவே இந்த வழக்கில் சமசர தீர்வுக்கான இது தொடர்பாக வருகின்ற செவ்வாய்க்கிழமை உத்தரவு பிறப்பிக்கபடும் என்றும் கூறி இந்த சர்ச்சைக்குரிய நிலம் தொடர்பான உரிய ஆவணங்களை 6 வாரங்களில் மொழிப்பெயர்த்து வழங்க உச்ச நீதிமன்றம் உத்தரவிட்டு மார்ச் மாதம் 5ம் தேதிக்கு இந்த வழக்கை தள்ளி வைத்தது.