இரத்ததானம் செய்து மற்றொரு உயிரை காப்பாற்றி சூப்பர் ஹீரோவான நாய்.!

சியா என்ற நாய் டேனி என்ற மற்றொரு நாய்க்கு ரத்ததானம் செய்து உயிரை காப்பாற்றியுள்ளது.

நடிகர் அனிந்தியா சாட்டர்ஜியின் 13 வயதான லாப்ரடோர் சியா என்ற நாய் 13 வயதான ஸ்பிட்ஸ் டேனி என்ற மற்றொரு நாய்க்கு ரத்ததானம் செய்து உயிரை காப்பாற்றியுள்ளது. டேனி சிறுநீரக பிரச்சினையால் அவதிப்பட்டதை தொடர்ந்து அவர் சென்னையிலிருந்து கொல்கத்தாவிற்கு சிகிச்சைக்காக வந்தனர். அந்த சிகிச்சையில் டேனிக்கு ரத்தம் தேவைப்பட்டது. அப்போது நடிகர் அனிந்தியாவின் 13 வயது லாப்ரடோர் சியா ரத்தம் தானம் செய்து உதவியுள்ளது.

இது குறித்து கொல்கத்தாவில் உள்ள கால்நடை மருத்துரான டெபாஜித் ராய் கூறுகையில், டேனிக்கு நன்கொடையாளர் கிடைத்ததில் மகிழ்ச்சி என்றும், நாய்கள் இரத்ததானம் செய்வது நடைமுறையில் இல்லை, ஏனெனில் இதனை குறித்த மிக குறைந்த விழிப்புணர்வே மக்களிடத்தில் உள்ளது என்று கூறினார். இது குறித்து நடிகர் அனிந்தியா கூறியதாவது, டேனிக்கு சியா இரத்ததானம் செய்ததை தொடர்ந்து அவர் நலமாக இருப்பதாகவும், அவரை குறித்து பெருமைப்படுவதாகவும் கூறியுள்ளார். ஒரு உயிரை காப்பாற்றி சியா சூப்பர் ஹீரோவாக மாறியுள்ளார்.