ஜம்மு காஷ்மீரில் பாதுகாப்பு படை, தீவிரவாதிகளிடையே துப்பாக்கிச்சூடு.! பாதுகாப்பு படை வீரர் காயம்.!

இன்று ஜம்மு-காஷ்மீரில் ஸ்ரீநகரின் புறநகரில் உள்ள ரன்பீர்கர் பகுதியில் தீவிரவாதிகள் மற்றும் பாதுகாப்பு படையினருக்கு இடையே கடுமையான துப்பாக்கிச் சண்டை ஏற்பட்டது.

ரன்பீர்கரில் நடந்து வரும் நடவடிக்கையில் ஒரு பாதுகாப்பு படை வீரர் காயமடைந்துள்ளதாக மூத்த போலீஸ் அதிகாரி ஒருவர் உறுதிப்படுத்தினார். காயமடைந்த பாதுகாப்பு படை வீரரை சிகிச்சைக்காக மருத்துவமனைக்கு அனுப்பப்பட்டதாக அதிகாரி  தெரிவித்தார்.

காவல்துறை  மற்றும் இந்திய ராணுவ வீரர் கூட்டுக் குழுவாக சேர்ந்து தீவிரவாதிகள் பதுங்கி இருப்பதாக கிடைத்த தகவல்களின் பேரில் ரன்பீர்கரில் சுற்றி வளைத்து தேடுதல் வேட்டையில் ஈடுபட்டு வருகின்றனர்.