தன்பாலின ஜோடிகள் திருமணத்தை அங்கீகரிக்க கூடாது – உச்சநீதிமன்றத்தில் மனு!

தன்பாலின ஜோடிகள் திருமணத்துக்கு எதிராக உச்சநீதிமன்றத்தில் குழந்தைகள் உரிமை ஆணையம் மனு.

தன்பாலின ஜோடிகள் திருமணத்தை அங்கீகரிக்க கூடாது என்று உச்சநீதிமன்றத்தில் மத்திய பெண்கள்&குழந்தைகள் மேம்பாடு அமைச்சகத்தின் கீழ் இயங்கும் குழந்தைகள் உரிமை பாதுகாப்பு தேசிய ஆணையம் மனு தாக்கல் செய்துள்ளது. தன் பாலின ஜோடிகள் குழந்தைகள் தத்தெடுப்பதையும் அனுமதிக்க கூடாது என்றும் மனுவில் கோரிக்கை வைக்கப்பட்டுள்ளது. பாலின குறித்த புரிதலும் முக்கியத்துவமும் இல்லாமல் குழந்தை வளப்பதற்கு வாய்ப்பு உண்டு எனவும் குறிப்பிட்டுள்ளனர்.

இதனிடையே, தன்பாலின திருமணத்திற்கு பல நாடுகள் சட்ட அங்கீகாரம் அளித்துள்ள நிலையில், தன் பாலின திருமணத்திற்கு சட்ட அங்கீகாரம் வழங்கக் கோரி தன்பாலீர்ப்பு கொண்ட நான்கு ஆண் தம்பதிகள் உச்ச நீதிமன்றத்தில் வழக்கு தொடர்ந்தனர். அதுமட்டுமில்லாமல், நாட்டின் பல்வேறு உயர் நீதிமன்றங்களிலும், உச்ச நீதிமன்றத்திலும் தன்பாலின திருமணத்திற்கு சட்ட அங்கீகாரம் வழங்க கோரி தாக்கல் செய்யப்பட்டுள்ள மனுக்கள் நிலுவையில் உள்ளன.

இந்த வழக்கை விசாரிக்க தலைமை நீதிபதி டி.ஓய். சந்திரசூட் தலைமையிலான அரசியல் சாசன அமர்வை உருவாக்கி உச்ச நீதிமன்றம் சமீபத்தில் அறிவிப்பை வெளியிட்டிருந்தது. அதன்படி, இந்த வழக்கின் விசாரணை வரும் நாளை தொடங்க உள்ளது. இந்த நிலையில், தன்பாலின ஜோடிகள் திருமணத்துக்கு எதிராக உச்சநீதிமன்றத்தில் குழந்தைகள் உரிமை ஆணையம் மனு தாக்கல் செய்துள்ளது.