ரஷ்யாவில் 8 ஆயிரத்தைக் கடந்த புதிய கொரோனா பாதிப்பு

ரஷ்யாவில் இன்று ஒரே நாளில் 8,183 பேருக்கு கொரோனா உறுதி – வளர்ந்த நாடுகளிலும் கட்டுக்கடங்காமல் அதிகரிக்கும் கொரோனா பாதிப்பு.

ரஷ்யாவில் கடந்த 24 மணி நேரத்தில் மட்டும் 8,183 பேருக்கு புதிதாக கொரோனா பாதிப்பு உறுதி செய்யப்பட்டுள்ளதாக அந்நாட்டு அரசு தெறிவித்துள்ளது. இதுவரையிலும் 49,57,756 பேர் கொரோனாவால் பாதிக்கப்பட்டோரின் எண்ணிக்கை அதிகரித்துள்ளது.

மேலும் இன்று மட்டும் 364 பேர் கொரோனாவால் சிகிச்சை பலனின்றி உயிரிழந்துள்ளனர். இதுவரையிலும் உயிரிழந்தோரின் எண்ணிக்கை 1,16,575 பேராக அதிகரித்துள்ளது மேலும் கடந்த 24 மணி நேரத்தில் மட்டும் 8,972 பேர் குணமடைந்த நிலையில் இதுவரை 45,72,226 பேர் குணமடைந்ததாக அந்நாட்டு அரசு உறுதிசெய்துள்ளது.

இதற்கிடையில், ரஷ்யாவின் மிக மோசமான பாதிப்புக்குள்ளான மாஸ்கோ 2,430 புதிய தொற்றுகள்  பதிவு செய்து, நகரத்தின் மொத்த எண்ணிக்கையை 1,143,100 ஆக அதிகரித்துள்ளது. மேலும் ரஷ்யாவில் தற்போது 2,68,955 பேருக்கு கொரோனா தொற்று உறுதிசெய்யப்பட்டு சிகிச்சையில் உள்ளனர்.