ரூ.14,850 கோடி.. 296 கிமீ நீளமுள்ள விரைவுச் சாலை – திறந்து வைத்தார் பிரதமர்!

உத்தரபிரதேசத்தில் 296 கிலோமீட்டர் நீளமுள்ள புந்தேல்கண்ட் நான்குவழி விரைவுச்சாலையை திறந்து வைத்தார் பிரதமர் மோடி.

உத்தரபிரதேசத்தில் அமைக்கப்பட்டுள்ள புந்தேல்கண்ட் விரைவுச் சாலையை ஜலானில் திறந்து வைத்தார் பிரதமர் மோடி. இந்த திட்டம் நான்கு வழிச்சாலை திட்டம் ரூ.14,850 கோடி மதிப்பில் 296 கிலோமீட்டர் தூரத்துக்கு செயல்படுத்தப்பட்டுள்ளது. கடந்த 2020-ஆம் ஆண்டு பிப்ரவரியில் அடிக்கல் நாட்டப்பட்ட நிலையில் 28 மாதங்களில் விரைவுச்சாலை கட்டி முடிக்கப்பட்டுள்ளது.

மிகவும் பிரபலமான ஆக்ரா – லக்னோ விரைவுச்சாலையுடன் இணையும் வகையில் புந்தேல்கண்ட் விரைவுச் சாலை அமைக்கப்பட்டுள்ளது. உத்தரப்பிரதேசத்தின் சித்ரகூட், பந்தா, மகோபா, ஹமிர்பூர், ஜலான், அவுரையா, எட்டாயா மாவட்டம் வழியே சாலை அமைக்கப்பட்டுள்ளது. இந்த சாலை எதிர்காலத்தில் 6 வழி சாலையாக மாற்றும் வகையில் பந்தேல்கண்ட் விரைவுச் சாலை அமைக்கப்பட்டுள்ளது.

இதுகுறித்து உத்தரபிரதேச முதலமைச்சர் யோகி ஆதித்யநாத் கூறுகையில், 296 கிமீ நீளமுள்ள புந்தேல்கண்ட் விரைவுச் சாலை திறக்கப்படும் வரலாற்றுச் சிறப்புமிக்க நாள் இது. இது பந்தேல்கண்ட் மற்றும் மாநிலத்தின் பொருளாதாரத்திற்கு ஒரு புதிய பரிமாணத்தை சேர்க்கும்.  இந்த விரைவுச் சாலை 7 மாவட்டங்கள் வழியாகச் சென்று ஆக்ரா-லக்னோ விரைவுச் சாலையுடன் இணைக்கப்படும் என தெரிவித்தார்.

மேலும், இந்நிகழ்ச்சியில் பங்கேற்று விரைவுச்சாலையை திறந்து வைத்த பின் பேசிய பிரதமர் மோடி, இந்த அதிவேக நெடுஞ்சாலையானது தடையற்ற இணைப்பு மற்றும் மாநிலத்தில் மேலும் பொருளாதார முன்னேற்றத்தை உறுதி செய்யும். இந்த அதிவேக நெடுஞ்சாலையால், இப்பகுதியில் தொழில் வளர்ச்சி ஏற்படும். இது மோடி மற்றும் யோகி அரசு, நாங்கள் நகரங்களுக்கு மட்டுமல்ல, கிராமங்களுக்கும் வளர்ச்சியை கொண்டு செல்வோம்.

இரண்டு விஷயங்கள் – சட்டம் மற்றும் ஒழுங்கு நிலைமை மற்றும் இணைப்பு ஆகியவை சரி செய்யப்பட வேண்டும் என்றால், இது எல்லா முரண்பாடுகளையும் எதிர்த்துப் போராடக்கூடிய ஒரு மாநிலமாக மாறும் என்று எனக்குத் தெரியும். இரண்டையும் மேம்படுத்தினோம், சட்டம்-ஒழுங்கு நிலை மேம்பட்டு வருகிறது, இணைப்பு வசதியும் மேம்படும்.

டெல்லி-மீரட் விரைவுச் சாலையின் அடிக்கல் நாட்டி, எங்களால் திறந்து வைக்கப்பட்டது. புந்தேல்கண்ட் விரைவுச்சாலையிலும் இதேதான் நடந்தது. இது அடுத்த ஆண்டு பிப்ரவரியில் திறக்கப்பட இருந்தது, ஆனால் நாங்கள் எங்கள் காலக்கெடுவை எட்டியது மட்டுமல்லாமல் அதைக் கடந்தோம் என்றும் கூறினார். மேலும், புந்தேல்கண்ட் எண்ணற்ற வீரர்களை உருவாக்கிய பூமி, இந்த நிலத்திற்கு அதிவேக நெடுஞ்சாலையை பரிசாக வழங்குவதில் மகிழ்ச்சி அடைகிறேன். தொழில்துறையில் முன்னேற்றம் அடைய இந்த சாலை பேருதவியாக இருக்கும் என்றும் குறிப்பிட்டார்.