ரிஷப் பந்தின் விபத்து மனவேதனை அளிக்கிறது – பிரதமர் மோடி ட்வீட்

ரிஷப் பந்தின் விபத்தால் மனவேதனை அடைந்தேன் என பிரதமர் மோடி ட்வீட்.

இந்திய கிரிக்கெட் வீரர் ரிஷப் பந்த் இன்று அதிகாலை காரில் சென்று கொண்டிருந்த போது நெடுஞ்சாலையில் உள்ள டிவைடரில் கார் மோதி விபத்துக்குள்ளானது. இதில் படுகாயமடைந்த ரிஷப் பந்த் மருத்துவமனையில் சிகிச்சை பெற்று வருகிறார்.

விபத்தில் படுகாயமடைந்த ரிஷப் பந்த் விரைவில் குணமடைய வேண்டும் என கிரிக்கெட் பிரபலங்கள் என பலரும் பதிவிட்டு வருகின்றனர். அந்தவகையில், ரிஷப் பந்த் விபத்து குறித்து பிரதமர் மோடி தனது ட்விட்டர் பக்கத்தில் பதிவிட்டுள்ளார்.

அதில், பிரபல இந்திய கிரிக்கெட் வீரர் ரிஷப் பந்தின் விபத்து கேட்டு மனவேதனை அடைந்துள்ளேன். அவர் விரைவில் குணமடைய வேண்டும், அவரது நல்ல ஆரோக்கியம் மற்றும் நல்வாழ்வுக்காக நான் பிரார்த்தனை செய்கிறேன் என்றுள்ளார்.