கனமழை எதிரொலியாக மாநிலங்களுக்கு ரெட் அலர்ட்.!

heavy rain [file image]

தென்மேற்கு பருவமழையின் தாக்கத்தால், நாட்டின் பல மாநிலங்களில் கனமழை பெய்து வருகிறது.

மும்பையின் பால்கர், ராய்கர், தானே, ரத்னகிரி, நாசிக் ஆகிய இடங்களில் கனமழை பெய்து வெள்ளக்காடாக காட்சியளிக்கிறது. அதேபோல், தெற்கு குஜராத் பகுதிக்கு ரெட் அலர்ட் விடுக்கப்பட்டுள்ளது. மறுபுறம் அசாமில் ஏற்பட்ட வெள்ளத்தில் சிக்கி 11 பேர் உயிரிழந்துள்ளனர். அந்தந்த மாநில அரசுகள் மீட்பு பணிகளை மும்முரமாக செய்து வருகிறது.

தென்மேற்கு பருவமழை தொடங்கியுள்ளதால் பல மாநிலங்களில் கனமழை முதல் மிக கனமழை பெய்யும் என்று கணித்துள்ளது. இதனால், சில மாநிலங்களுக்கு ரெட் அலர்ட் விடுக்கப்பட்டுள்ளது. ஜூலை 3 வரை இமாச்சல பிரதேசம் மற்றும் கிழக்கு ராஜஸ்தானிலும், ஜூன் 30 ஆம் தேதி உத்தரகண்ட் மற்றும் மேற்கு ராஜஸ்தானிலும் கனமழை பெய்யக்கூடும்.

இன்று முதல் ஜூலை 1 ஆகிய தேதிகளில் கேரளா மற்றும் மாஹேவில் லேசானது முதல் மிதமானது வரை மழை பெய்யக்கூடும். கர்நாடகாவில் கடலோர மாவட்டங்களில் ஜூலை 1 வரை கனமழை பெய்யும் என இந்திய வானிலை ஆய்வு மையம் தகவல் தெரிவித்துள்ளது.

மகாராஷ்டிரா மாநிலம் மும்பையில் பெய்து வரும் கனமழையால் வெள்ளம், வெள்ளம் மற்றும் உயிரிழப்புகள் ஏற்பட்டுள்ளன. கடந்த புதன்கிழமை, மும்பையின் மலாட் பகுதியில் மரம் விழுந்ததில் ஒருவர் உயிரிழந்தார்.