ஒத்த கருத்துள்ள கட்சிகளுடன் மீண்டும் கூட்டணி – காங்கிரஸ் தலைவர்

ஒத்த கருத்துள்ள கட்சிகளுடன் மீண்டும் கூட்டணி அமைப்பதை காங்கிரஸ் விரும்புகிறது என காங்கிரஸ் தலைவர் மல்லிகார்ஜுன கார்கே பேச்சு.

காங்கிரஸின் 85-வது கூட்டத்தில் உரையாற்றிய அக்கட்சி தலைவர் மல்லிகார்ஜுன கார்கே, கடந்த 2004 முதல் 2014 வரை காங்கிரஸ் கட்சி சிறந்த தலைமையை வழங்கியது. அப்போது இருந்ததுபோல், ஒத்த கருத்துள்ள கட்சிகளுடன் மீண்டும் கூட்டணி அமைப்பதை காங்கிரஸ் விரும்புகிறது.

தற்போதுள்ள இக்கட்டான சூழ்நிலையில், திறமையான மற்றும் தீர்க்கமான தலைமையை வழங்கக்கூடிய ஒரே கட்சி காங்கிரஸ் மட்டுமே. அரசியலமைப்பு மற்றும் ஜனநாயக விழுமியங்கள் மீதான தொடர்ச்சியான தாக்குதல்கள், சீனாவுடனான எல்லை பிரச்சினைகள், எல்லா நேரத்திலும் இல்லாத உயர் பணவீக்கம் மற்றும் வேலையின்மை போன்ற சவால்களை நாடு எதிர்கொள்கிறது.

எனவே, 2024 நாடாளுமன்ற தேர்தலில் “மக்கள் விரோத” பாஜக அரசில் இருந்து விடுபட, ஒத்த எண்ணம் கொண்ட கட்சிகளுடன் இணைந்து சாத்தியமான மாற்றத்தை உருவாக்க காங்கிரஸ் எதிர்நோக்குவதாக கூறினார். எங்கள் நாட்டு மக்களின் நலனுக்காக பாடுபட நாங்கள் தயாராக உள்ளோம்.

மேலும் வரவிருக்கும் மாநில சட்டமன்றத் தேர்தல்கள் மற்றும் 2024 தேர்தல்களுக்கு எங்கள் இலக்குக்குத் தேவையான பணிகளை செய்வோம். இந்தியாவில் “ஜனநாயகத்தை அழிக்க சதி” நடப்பதாக குற்றம் சாட்டினார், ஆனால் காங்கிரஸ் அனைவரையும் ஒன்றிணைக்கும் வகையில் செயல்படுகிறது என தெரிவித்துள்ளார்.