மே 31இல் அமெரிக்கா செல்லும் ராகுல்… 10 நாட்கள் பயணம் என தகவல்.!

காங்கிரஸ் தலைவர் ராகுல் காந்தி வரும் மே 31 ஆம் தேதி 10 நாட்கள் பயணமாக அமெரிக்கா செல்கிறார் என தகவல்.

காங்கிரஸ் தலைவரும் முன்னாள் எம்.பி யுமான ராகுல் காந்தி, வரும் மே 31இல் அமெரிக்காவிற்கு 10 நாட்கள் பயணம் மேற்கொள்ள இருப்பதாக தகவல் வெளியாகியுள்ளது. பிரதமர் மோடி ஜூன் 22இல் அதிகாரபூர்வ அரசு முறைப்பயணமாக அமெரிக்கா செல்லவிருக்கிறார் என்பது குறிப்பிடத்தக்கது.

ராகுல் தனது பயணத்தில் ஜூன் 4ஆம் தேதி நியூயார்க் நகரின் மாடிஸன் சதுர பூங்காவில் உள்ள 5000 என்.ஆர்.ஐ க்களுடன் பேரணி நடத்த திட்டமிட்டுள்ளதாகவும் தகவல்கள் தெரிவிக்கின்றன. இது தவிர, வாஷிங்டன் மற்றும் கலிபோர்னியாவின் ஸ்டான்போர்ட் பல்கலைக் கழகத்தில் கலந்துரையாடல் மற்றும் உரையாற்றவும் இருக்கிறார்.

மேலும் அரசியல்வாதிகள் மற்றும் தொழில்முனைவோரையும் சந்திக்கவுள்ளதாக தகவல் வெளியாகியுள்ளது. ஏற்கனவே கடந்த மார்ச்சில் ராகுல் காந்தி, லண்டன் கேம்பிரிட்ஜ் பல்கலைக்கழகத்தில் பேசியது சர்ச்சைக்குள்ளானது மற்றும் ராகுல் மன்னிப்பு கேட்கவேண்டும் எனவும் கோரிக்கை வைக்கப்பட்டது குறிப்பிடத்தக்கது.