ராகுல்காந்தி தலைவர் பதவியை ராஜினாமா செய்யக்கூடாது – காங்கிரஸ் தொண்டர் தற்கொலை முயற்சி!

காங்கிரஸ் கட்சியின் தேசியத் தலைவர் பதவியை ராகுல்காந்தி அவர்கள் ராஜினாமா செய்யக்கூடாது என்றும் அவர் ராஜினாமா செய்யும் முடிவை திரும்ப பெற வேண்டும் என்று அக்கட்சியின் தொண்டர் ஒருவர் தற்கொலைக்கு முயன்றுள்ளார். நடந்து முடிந்த நாடாளுமன்ற தேர்தலில் காங்கிரஸ் கட்சி பெரும் தோல்வியை சந்தித்தது. இதற்கு பொறுப்பேற்று ராகுல்காந்தி தன் பதவியை ராஜினாமா செய்ய முடிவு செய்திருந்தார். அவரது இந்த முடிவுக்கு நாடு முழுவதும் உள்ள பல்வேறு தரப்பினரும் எதிர்ப்பு தெரிவித்தனர்.

டெல்லியில் காங்கிரஸ் அலுவலகத்தின் எதிரே இருக்கும் இடத்தில் காங்கிரஸ் கட்சியை சேர்ந்த பலர் ராகுல்காந்தி முடிவுக்கு எதிர்ப்பு தெரிவித்து தொடர்ந்து போராடி வருகின்றனர். அப்படி போராடி வந்த தொண்டர் ஒருவர் மரத்தில் தூக்கு போட்டு திடீரென தற்கொலைக்கு முயற்சி செய்துள்ளார். அருகில் இருந்த மற்றவர்கள் உடனடியாக செயல்பட்டு அவரை காப்பற்றியுள்ளனர். அப்போது அவர், ராகுல் காந்தி அவர்கள் தன்னுடைய முடிவை மாற்றிக் கொள்ளவில்லை என்றால் நன் எனது உயிரை மாய்த்துக்கொள்வேன் என்று தெரிவித்துள்ளார்.