20 ரூபாய்க்கு பெட்ரோல்.. இலவச பைக்.. மேக்கப் கிட்.! வாக்காளர்களை அரசவைத்த வேட்பாளர்.! .

ஹரியானாவில் உள்ளாட்சி தேர்தலில் போட்டியிட்ட ஒரு வேட்பாளர், இலவச பைக், 20 ரூபாய்க்கு பெட்ரோல், 100 ரூபாய்க்கு சிலிண்டர், மேக்கப் கிட் என வாக்குறுதிகளை அறிவித்துள்ளார்.

ஹரியானா மாநிலத்தில் பஞ்சாயத்து தேர்தலில் ஒரு வேட்பாளர் கொடுத்த அதிரிபுதிரியான வாக்குறுதிகள் தான் தற்போது இணையத்தில் வெகு வைரலாக பரவி வருகிறது.

அரியானா மாநிலம், சிர்சாத் எனும் கிராமத்தில் உள்ளாட்சி தேர்தலில் போட்டியிட்ட ஜெய்கரன் லத்வால் எனும் வேட்பாளர் தனது தேர்தல் வாக்குறுதி பட்டியலில் நம்பமுடியாத நிறைவேற்ற முடியாத வாக்குறுதிகளை கொடுத்துள்ளார்.

அதில், பெண்களுக்கு இலவச மேக்கப் கிட், குடும்பங்களுக்கு இலவச பைக், கிராமத்தில் இலவச வைஃபை, டெல்லி முதல் சிர்சாத் வரை மெட்ரோ ரயில், சிர்சாத்தில் இளைஞர்களுக்கு அரசு வேலை, ஹெலிகாப்டர் சேவைகள் என வாக்குறுதிகளை அள்ளிவிட்டுவிட்டார்.

மேலும், பெட்ரோல் லிட்டர் 20 ரூபாய்க்கும், சிலிண்டர் 1க்கு 200 ரூபாய்க்கும் வழங்கப்படும் என அறிவித்து வாக்காளர்களை மிரள வைத்துவிட்டார்.