” ராகுலை விட பிரியங்கா நல்லா செயல்படுவார் ” தேவ கவுடா கருத்து…!!

ராகுல் காந்தியை விட பிரியங்கா காந்தி சிறப்பாக செயல்படுவார் என முன்னாள் பிரதமரும் மதசார்பற்ற ஜனதா தள கட்சியின் தலைவருமான தேவ கவுடா தெரிவித்துள்ளார்.

இது தொடர்பாக பத்திரிகை ஒன்றுக்கு அளித்துள்ள பேட்டியில், இந்திரா காந்தியை போன்றே பிரியங்காவின் தோற்றம், செயல்பாடுகள் இருப்பதாக பொதுமக்கள் கருதுவதாகவும், அவரது அரசியல் வருகை காங்கிரஸ் கட்சிக்கு மிகவும் பயனளிக்கும் என குறிப்பிட்டுள்ளார்.

மக்களவை தேர்தல் விரைவில் நடைபெறவுள்ள நிலையில், எதிர்க்கட்சிகள் தங்களின் வேற்றுமைகளை களைந்து ஒன்றுபட வேண்டும் என்றும் தேவேகவுடா வலியுறுத்தியுள்ளார். பிராந்திய கட்சிகளுடன் இணைந்து பேரணி ஆகியவற்றை நடத்தி எதிர்க்கட்சிகளின் ஒற்றுமையை காங்கிரஸ் முன்னெடுத்து செல்ல வேண்டும் என தேவ கவுட அறிவுறுத்தியுள்ளார்.