இன்று பிரதமர் மோடி மாணவர்களுடன் உரையாடல்..!

கடந்த 2014 ஆண்டு மகாத்மா காந்தியின் “துாய்மையான இந்தியா” எனும் கனவை நிறைவேற்றும் வகையில்  “துாய்மை இந்தியா” திட்டத்தை, பிரதமர் மோடி துவக்கி வைத்தார். துாய்மை இந்தியா திட்டம் தற்போது இரண்டாம் கட்டத்தில் உள்ளது.  இந்நிலையில், இன்று  இந்த திட்டம் பற்றி பல்வேறு பகுதிகளை சேர்ந்த மாணவர்களுடன் காணொளி மூலம் பிரதமர் மோடி உரையாற்றவுள்ளார்.

மாணவர்களுடன் உரையாற்றுவதற்கு முன்  டில்லியில் ‘ராஷ்ட்ரிய ஸ்வச்சதா கேந்திரா’ எனப்படும் தேசிய தூய்மை மையத்தை பிரதமர் துவக்கி வைக்கவுள்ளார். “துாய்மை இந்தியா” திட்டத்தின் மூலம் 55 கோடிக்கும் அதிகமான கழிப்பறைகளைப் பயன்படுத்தும் நிலைக்கு மாற்றப்பட்டுள்ளனர் என்பது குறிப்பித்ததக்கது.