24-ஆம் தேதி ஜனாதிபதி ராம்நாத் கோவிந்த் திருப்பதி வருகை..!

ஜனாதிபதி ராம்நாத் கோவிந்த் வருகிற 24-ஆம் தேதி திருப்பதி ஏழுமலையான் கோவிலில் சாமி தரிசனம் செய்கிறார்.

டெல்லியில் இருந்து ராம்நாத் ஆந்திராவிற்கு சிறப்பு விமானம் மூலம் நவம்பர் 24 ஆம் தேதி வருகிறார். அவர் காலை 10.45 மணியளவில் ரெனிகுண்டா விமான நிலையத்திற்கு வருவார். பின்னர் அவர் சாலை வழியாக ராம்நாத் கோவிந்த் திருமலையை பகல் 11.40 மணியளவில் செல்கிறார்.

பத்மாவதி விருந்தினர் மாளிகையில் ஓய்வெடுத்து மதியம் 12.40 மணியளவில் அவர் ஏழுமலையானை வழிபடுகிறார். பின்னர், பிற்பகல் 1.50 மணிக்கு  மீண்டும் பத்மாவதி விருந்தினர் மாளிகைக்கு   வருவார் என்று அதிகாரப்பூர்வ வட்டாரங்கள் தெரிவித்தனர்.

பின்னர் மாலை 3.15 மணியளவில் திருமாலாவிலிருந்து ரெனிகுண்டா விமான நிலையத்திற்கு சாலை வழியாக ஜனாதிபதி புறப்படுவார், அங்கிருந்து சிறப்பு விமானத்தில் அகமதாபாத் செல்கிறார்.  ஜனாதிபதியின் வருகைக்கு தேவையான அனைத்து ஏற்பாடுகளையும் சித்தூர் மாவட்ட நிர்வாகம் செய்துள்ளது.