மைனர் பெண்ணின் முகத்தில் கேக் தடவிய ஆசிரியர் – போலீசார் போக்சோ வழக்குப் பதிவு..!

உத்தரபிரதேசத்தின் ராம்பூரில் ஒரு மைனர் பெண்ணின் முகத்தில் வலுக்கட்டாயமாக கேக் தடவிய ஆசிரியர் மீது போக்சோ வழக்குப் பதிவு செய்யப்பட்டுள்ளது.

உத்தரபிரதேசத்தின் ராம்பூரில் உள்ள ஒரு தொடக்க ஆங்கில வழிக்கல்வி பள்ளியில் 57 வயதான ஆசிரியர் ஒருவர்,பள்ளியில் பயிலும் ஒரு மைனர் பெண் மாணவியை பிடித்து முகத்தில் கேக் தடவியுள்ளார்.அந்த மாணவி  தன்னை விடுவித்துக் கொள்ள போராடியுள்ளார்.இந்த வீடியோ சமூக ஊடகங்களில் வைரலானது.

அந்த வைரல் வீடியோவில்,ஆசிரியர் அந்த பெண்ணை பிடித்து இழுத்து பின்னர் அவரது முகத்தில் கேக் பூசப்பட்டது.மேலும்,யார் உன்னைக் காப்பாற்றுவார்கள்? யாராவது வந்தார்களா? “,என்று ஆசிரியர் கூறியதாக தெரிய வந்துள்ளது.

இந்நிலையில்,சிறுமியின் தந்தையின் புகாரின் பேரில் ஆசிரியரை உள்ளூர் போலீசார் அழைத்துச் சென்று சிவில் லைன்ஸ் காவல் நிலையத்தில் வழக்கு பதிவு செய்துள்ளனர். பாலியல் குற்றங்களில் இருந்து குழந்தைகளைத் தடுப்பதற்கான (போக்சோ) சட்டம் மற்றும் பிரிவு 354 (பெண்ணின் மீது அடக்குமுறையை சீர்குலைக்கும் நோக்கத்துடன்) உள்ளிட்ட பல்வேறு பிரிவுகளின் கீழ் போலீசார் வழக்கு பதிவு செய்தனர்.இதனால்,அவரை பள்ளி நிர்வாகம் இடைநீக்கம் செய்துள்ளது.

இது தொடர்பாக,ராம்பூர் கூடுதல் காவல் கண்காணிப்பாளர் (ஏஎஸ்பி), சன்சார் சிங் கூறுகையில், “ஆசிரியர் தினத்தன்று (செப்டம்பர் 5) இந்த சம்பவம் நடந்ததாக எங்கள் விசாரணையில் கண்டறியப்பட்டது. இந்த நிகழ்வு சிவில் லைன்ஸ் பகுதியில் குற்றம் சாட்டப்பட்ட ஆசிரியரால் நடத்தப்படும் ஒரு பயிற்சி மையத்தில் நடந்துள்ளது.
சிறுமியின் தந்தை தாக்கல் செய்த வீடியோ மற்றும் புகாரின் பேரில், குற்றம் சாட்டப்பட்ட அந்த ஆசிரியர் மீது ஐபிசி பிரிவு 354 இன் கீழ் எஃப்ஐஆர் பதிவு செய்யப்பட்டுள்ளது.இதனையடுத்து,அவர் நீதிமன்றத்தில் ஆஜர்படுத்தப்பட்டதை அடுத்து, அவர் கைது செய்யப்பட்டு சனிக்கிழமை சிறைக்கு அனுப்பப்பட்டார்”,என்று தெரிவித்துள்ளார்.

இதற்கிடையில், பள்ளி முதல்வர், “இந்த சம்பவம் பள்ளி வளாகத்தில் நடக்கவில்லை. ஆசிரியரால் நடத்தப்படும் பயிற்சி மையத்தில் ஆசிரியர் தினத்தையொட்டி இது நடந்தது. நாங்கள் அந்த வீடியோவை கவனித்து அவருக்கு எதிராக தேவையான சட்ட நடவடிக்கைகளைத் தொடங்கினோம்”,என்று கூறினார் என்பது குறிப்பிடத்தக்கது.