பாஜக கூட்டணிக் கட்சிகளுக்கான விருந்து நிகழ்ச்சி ! முக்கிய தலைவர்கள் பங்கேற்பு

தேசிய ஜனநாயக கூட்டணி கட்சிகளின் ஆலோசனை கூட்டம் நடைபெற உள்ளது. இந்த ஆலோசனை கூட்டத்தில் பங்கேற்கும் கூட்டணி கட்சி தலைவர்களுக்கு பாஜக தலைவர் அமித்ஷா இன்று விருந்து அளிக்க உள்ளதாக தெரிவிக்கப்பட்டது.

தற்போது டெல்லியில் உள்ள அசோகா ஓட்டலில், பாஜக கூட்டணிக் கட்சிகளுக்கான விருந்து நிகழ்ச்சி தொடங்கியது. பாஜக தலைவர் அமித்ஷா, பிரதமர் மோடி தலைமையில் நடைபெறும் விருந்து நிகழ்ச்சியில், பல்வேறு கூட்டணி கட்சி தலைவர்கள் பங்கேற்றுள்ளனர்.

விருந்தில் முதலமைச்சர் பழனிசாமி, துணை முதலமைச்சர் பன்னீர்செல்வம், அமைச்சர்கள் தங்கமணி, வேலுமணி, அன்புமணி ராமதாஸ், பிரேமலதா விஜயகாந்த், வாசன், சரத்குமார், ஏ.சி.சண்முகம் உள்ளிட்டோர் பங்கேற்றுள்ளனர்.மேலும் பிகார் முதல்வர் நிதீஷ் குமார், பஞ்சாப் முன்னாள் முதல்வர் பிரகாஷ் சிங் பாதல், உத்தவ் தாக்கரே உள்ளிட்ட தலைவர்கள் பங்கேற்றுள்ளனர்.