கடும் அமளி: 15 வது நாளாக முடங்கியது நாடாளுமன்றம்.!

எதிர்க்கட்சிகளின் தொடர் அமளியால் 15 வது நாளாக இன்றும் முடங்கியது நாடாளுமன்றம். 

நேற்று மகாவீரர் ஜெயந்தி விடுமுறை என்பதால், நாடாளுமன்ற பட்ஜெட் கூட்டத் தொடர் இன்று காலை 11 மணிக்கு தொடங்கிய சில நிமிடங்களிலேயே இரு அவைகளும் 2 மணி வரை ஒத்திவைக்கப்பட்டது.

அதன்படி, இன்று பிற்பகல் 2 மணிக்கு தொடங்கிய நிலையில், அதானி பங்குச்சந்தை முறைகேடு புகாரில் கூட்டுக்குழு விசாரணை கோரி எதிர்க்கட்சிகள், தொடர்ந்து அமளியில் ஈடுபட்டதால் நாடாளுமன்ற மக்களவை மற்றும் மாநிலங்களவை இன்று நாள் முழுவதும் ஒத்திவைக்கப்பட்டுள்ளது.

முன்னதாக, காங்கிரஸ் தலைவர் ராகுல் காந்தியின் எம்பி தகுதி நீக்கம் தொடர்பாக எதிர்க்கட்சிகளின் அமளியில் ஈடுபட்டதால், லோக்சபா மற்றும் ராஜ்யசபா கடந்த 3-ம் தேதி நாடாளுமன்ற இரு அவைகளும் ஏப்ரல் 5-ம் தேதி (அதாவது) இன்று காலை வரை ஒத்திவைக்கப்பட்டிருந்தது குறிப்பிடத்தக்கது.