ஒரே நாளில் இந்தியாவில் 23 ஆயிரம் பேருக்கு புதிதாக கொரோனா தொற்று!

கடந்த 24 மணி நேரத்தில் மட்டும் இந்தியாவில் 23 ஆயிரத்தை கடந்து கொரானா பாதிப்பு சென்று கொண்டுள்ளது. மேலும் 400க்கும் மேற்பட்டோர் நேற்று ஒரே நாளில் உயிரிழந்துள்ளனர்

உலகம் முழுவதும் கொரானாவின் தாக்கம் நாளுக்கு நாள் உயர்ந்து கொண்டே தான் செல்கிறது. இதுவரை 1.15 கோடிக்கும் அதிகமான மக்கள் பாதிக்கப்பட்டுள்ள நிலையில், ஐந்து லட்சத்து 30 ஆயிரத்திற்கும் மேற்பட்டோர் பலியாகி உள்ளனர். இந்நிலையில், இந்தியாவில் இதுவரை 697,836 கொரோனாவால் பாதிக்கப்பட்டுள்ள நிலையில், 19,700 பேர் உயிரிழந்துள்ளனர்.

கடந்த 24 மணி நேரத்தில் மட்டும் இந்தியாவில் 23,932 பேர் கொரோனாவால் புதிதாக பாதிக்கப்பட்டுள்ளதுடன், ஒரே நாளில் 421 பேர் உயிரிழந்துள்ளனர். பாதிக்கப்பட்டவர்களில் உயிரிழந்தவர்கள் தவிர இதுவரை 424,891 பேர் குணமாகி வீடு திரும்பியுள்ளனர். தற்போது மருத்துவமனையில் 253,245 பேர் சிகிச்சை பெற்று வருகின்றனர்.