இன்று மதியம்.,1 மணிக்கு செய்தியாளர்களை சந்திக்கிறார்-நிதியமைச்சர் நிர்மலா சீதாராமன்

நிதியமைச்சர் நிர்மலா சீதாராமன் இன்று பிற்பகல் 1 மணிக்கு செய்தியாளர்களை சந்திக்க உள்ளதாக தகவல் வெளியாகியுள்ளது.

உலகளவில் அசுர வேகத்தில் பரவி வரும் கொரோனாவினால் பாதித்தவர்களின் எண்ணிக்கை அதிகரித்த வண்ணம் உள்ளது. இந்தியாவில் 600க்கு மேற்பட்டோர் பாதிக்கப்பட்ட நிலையில் 13  பேர் மடிந்துள்ளனர்.தமிழகத்தில் 26பேர் பாதிக்கப்பட்ட நிலையில் ஒருவர் பலியாகிய நிலையில் இந்தியாவில் தற்போது பாதிப்பு எண்ணிக்கையும் அதிகரிக்க துவங்கி உள்ளது.இந்நிலையில் தமிழகம் மட்டுமல்லாமல் நாடு முழுவதும் 144 ஊரடங்கு உத்தரவு பிறப்பிக்கப்பட்டுள்ளது. இந்நிலையில் இன்று பிற்பகல் 1 மணிக்கு செய்தியாளர்களை நிதியமைச்சர் நிர்மலா சீதாராமன் சந்திக்க உள்ளார். கொரோனா பாதிப்பினால் ஏற்பட்டுள்ள பொருளாதார வீழ்ச்சி குறித்தும் அரசு மற்றும் தனியார் ஊழியர்களிடம் EMI வசூலிப்பதை தள்ளி வைக்க வேண்டும் என்ற  கோரிக்கைகள் எழுந்த நிலையில் அது குறித்த சில முக்கிய அறிவிப்புகளை அவர்  வெளியிடுவார் என்று எதிர்பார்க்கப்படுகிறது.  கொரோனா அச்சுறுத்தல் நாட்டையே உலுக்கியிருக்கும் நிலையில்,கடந்த மார்ச்.,24 ந்தேதி வீடியோ கான்ஃபரன்ஸிங் மூலம்  மத்திய நிதியமைச்சர் நிர்மலா சீதாராமன் செய்தியாளர்களை சந்தித்தார் என்பது குறிப்பிடத்தக்கது.