மும்பையில் 3 மாடி கட்டிடம் இடிந்து விழுந்து விபத்து… 8பேர் பலி …

மஹாராஷ்டிரா  மாநிலம் தானே அருகே உள்ள பிவாந்தி நகரில் 3 மாடி கட்டடம் இடிந்து விழுந்த விபத்தில் 8 பேர் பலியாகியுள்ளனர். ,மேலும்  பலர் படுகாயம் அடைந்தனர். மேலும் இடிபாடுகளில் சிக்கி 25க்கும் அதிகமானோர் சிக்கியிருக்கக்கூடும் என அஞ்சப்படுகிறது.

மாஹாராஷ்டிரா மாநிலம் பிவாந்தியில் உள்ள ஜிலானி என்ற 3 அடுக்குமாடி குடியிருப்பு இன்று (செப்டெம்பர் 21) அதிகாலை 3.20 மணியளவில் இடிந்து விழுந்தது. இந்த அடுக்குமாடி கட்டடத்தில் 21 தளங்கள் இருந்தன.இந்த துயர  சம்பவம் அதிகாலை நடந்தது என்பதால் அதில் வசித்த குழந்தைகள் மற்றும் பெரியவர்கள் அயர்ந்து தூங்கி கொண்டிருந்துள்ளனர். இதில் தற்போது வரை 8 பேர் பலியாகி உள்ளனர். இடிபாடுகளில் பலர் சிக்கியிருக்க வாய்ப்புள்ளதால் மீட்புப்பணி தீவிரமாக நடந்து வருகிறது. இதுவரை 20க்கும் மேற்பட்டோ் இடிபாடுகளிலி்ருந்து மீட்கப்பட்டுள்ளனர். இந்த கட்டிடம் 1984ம் ஆண்டு  கட்டப்பட்ட கட்டடம் என கூறப்படுகிறது.