பிரதமர் மோடியின் விமானத்திற்கு அனுமதி கிடையாது- பாகிஸ்தான் அரசு

பிரதமர் மோடியின் விமானம் பாகிஸ்தான் வான்வெளி வழியாக பறக்க அனுமதி மறுத்துவிட்டது பாகிஸ்தான் அரசு.
இந்திய அரசு காஷ்மீர் மாநிலத்துக்கு வழங்கப்பட்ட  சிறப்பு அந்தஸ்து ரத்து செய்யப்படுவதாகவும்,அதனை இரண்டு யூனியன் பிரதேசங்களாக பிரிக்க உள்ளதாகவும் அறிவித்தது.ஆனால் இந்தியாவின் இந்த அறிவிப்புக்கு பாகிஸ்தான் அரசு கடும் கண்டனம் தெரிவித்தது.
இந்த நிலையில் இந்திய பிரதமர் நரேந்திர மோடி  சவுதி அரேபிய மன்னரின் அழைப்பை ஏற்று 2 நாள் பயணமாக வருகின்ற 29-ஆம் தேதி சவுதி அரேபியாவுக்கு செல்கிறார்.எனவே சவுதி அரேபியா செல்வதற்கு  பாகிஸ்தான் வான்வழியை பயன்படுத்துவதற்கு அந்நாட்டு அரசிடம் இந்தியா அனுமதி கேட்டிருந்தது.இந்த நிலையில் இந்தியாவின்  கோரிக்கையை  பாகிஸ்தான் அரசு மறுப்பு தெரிவித்துள்ளது.