மணீஷ் சிசோடியா கைது… ஆம் ஆத்மி கட்சியினர் டெல்லியில் போராட்டம்!

டெல்லி துணை முதல்வர் சிசோடியா கைது செய்யப்பட்டதை கண்டித்து ஆம் ஆத்மி கட்சியினர் போராட்டம்.

டெல்லி மதுக்கொள்கை விவகாரம் தொடர்பாக டெல்லி துணை முதல்வர் மணீஷ் சிசோடியா நேற்று மத்திய புலனாய்வு (சிபிஐ) முன்பு விசாரணைக்கு ஆஜரானார். மணீஷ் சிசோடியாவை சி.பி.ஐ அதிகாரிகள் சுமார் 8 மணி நேர விசாரணைக்குப் பின் நேற்று கைது செய்தனர். துணை முதல்வர் மணீஷ் சிசோடியா விசாரணைக்கு ஒத்துழைக்கவில்லை, கேள்விகளுக்கு முறையாக பதில் அளிக்கவில்லை என்பதால் கைது செய்யப்பட்டதாக சி.பி.ஐ தரப்பில் தெரிவிக்கப்பட்டது.

சிசோடியா கைதிற்கு டெல்லி முதல்வர் அரவிந்த் கெஜ்ரிவால் கடும் கண்டனம் தெரிவித்திருந்தார். இந்த நிலையில், மதுபானக் கொள்கை வழக்கில் டெல்லி துணை முதலமைச்சர் மணீஷ் சிசோடியா கைது செய்யப்பட்டதைக் கண்டித்து ஆம் ஆத்மி கட்சியினர் டெல்லியில் போராட்டம் ஈடுபட்டுள்ளனர். நேற்று மதுபானக் கொள்கை முறைகேடுகளில் ஈடுபட்டதாகக் கூறி டெல்லி துணை முதல்வர் மணீஷ் சிசோடியாவை கைது செய்யப்பட்டதை கண்டித்து ஆம் ஆத்மி கட்சியினர் இன்று (திங்கள்கிழமை) ஆர்ப்பாட்டத்தில் ஈடுபட்டனர்.