கொரோனாவில் இருந்து மீண்ட பெண்மணிக்கு ஆம்புலன்ஸ் சேவைக்கு மறுப்பு ! இரவு 8 மணி நேரம் பயணம் மேற்கொண்டு வீட்டில் சேர்த்த பெண் ஓட்டுநர்

கொரோனாவில் இருந்து மீண்ட பெண்ணுக்கு இரவு 8 மணி நேரம் பயணம் செய்து வீட்டில் சேர்த்த பெண் ஆட்டோ ஓட்டுநர்.

கொரோனா வைரஸ் உலக நாடுகள் அனைத்தையும் உலுக்கி வருகிறது.இதனால் பாதிப்பும்,உயிரிழப்பும் நாளுக்கு நாள் அதிகரித்து வருகிறது.உலக சுகாதார அமைப்பும் சமூக இடைவெளியை பின்பற்ற வேண்டியது அவசியம் என்றும் அறிவுறுத்தியது .பல்வேறு நாடுகளில் ஊரடங்கு உத்தரவு அமல்படுத்தப்பட்டு பொதுப்போக்குவரத்துக்கும்  தடை விதிக்கப்பட்டுள்ளது.

இதனிடையே தான் மணிப்பூர் மாநிலம் இம்பாலில் பெண் ஒருவர் கொரோனாவில் இருந்து மீண்டுள்ளார்.ஆனால் மருத்துவமனை நிர்வாகம் அவருக்கு ஆம்புலன்ஸ் சேவை வழங்க மறுப்பு தெரிவித்துவிட்டதாக கூறப்படுகிறது.இதனால் அந்த பெண் மிகுந்த சிரமத்திற்கு ஆளாகியுள்ளார்.இந்த சூழ்நிலையில்தான் பெண் ஆட்டோ ஓட்டுநரான லைய்பீ ஓய்ணம் அந்த பெண்ணுக்கு உதவ முன்வந்துள்ளார். இரவு முழுவதும் சுமார் 8 மணி நேரம் ஆட்டோ ஒட்டி மறுநாள் காலை மலைப்பகுதியில் உள்ள அந்த பெண்ணை வீட்டில் சேர்த்துள்ளார்.இந்த சம்பவம் சமூக வலைத்தளங்களில் வைரலாக பரவியது. இதனை அறிந்த மணிப்பூர் முதலமைச்சர் பிரேன் சிங் பெண் ஓட்டுநரை நேரில் அழைத்து பாராட்டியது மட்டும் அல்லாமல் ,அவருக்கு ரூ.1,10,000 ஊக்கத்தொகையை வழங்கி சிறப்பித்துள்ளார்.மேலும் இந்த மணிப்பூரில் தொழில்முனைவோர் மற்றும் சமூக ஆர்வலர்கள் வழங்கிய தொகை என்று தெரிவிக்கப்பட்டுள்ளது.