ஏப்ரல் 20 பின் என்ன நிலவரம்.!? ஊரடங்கு தளர்வா? நீட்டிப்பா?

கொரோனா பரவலை கட்டுப்படுத்த நாடு முழுவதும் 21 நாள் விதிக்கப்பட்டிருந்த ஊரடங்கு இன்று நிறைவு பெறுவதாக இருந்ததது. இந்த ஊரடங்கை நீட்டிக்க கோரி பல்வேறு மாநில முதல்வர்களும், மருத்துவ நிபுணர்களும் அரசிடம் கோரிக்கை வைத்தனர்.
இந்நிலையில் தற்போது பிரதமர் மோடி கூறுகையில், ‘ இன்றுடன் நிறைவடைய இருந்த ஊரடங்கு மேலும் 19 நாள் நீட்டிக்கப்பட்டு, வரும் மே 3ஆம் தேதி வரை ஊரடங்கு நீட்டிக்கப்படும்.’ என அறிவித்துள்ளார்.
மேலும், ‘ஏப்ரல் 20-க்கு பிறகு கொரோனா கட்டுப்படுத்தபட்ட பகுதிகளில், ஊரடங்கில் தளர்வு இருக்கும். ஆனால், அந்த பகுதிகளில் கொரோனா பரவ தொடங்கினால், மீண்டும் ஊரடங்கு கடுமையாக அமல்படுத்தப்படும்.’ என தெரிவித்துள்ளார் எனவும், ‘ கொரோனா பாதிப்பு அதிகம் உள்ள பகுதிகளில் ஊரடங்கு கடுமையாக அமல்படுத்தப்படும். நாட்டு மக்கள் அனைவரும் முகக்கவசம் அணிவது கட்டாயம்.’ எனவும் பிரதமர் மோடி தனது உரையில் தெரிவித்தார்.