விறுவிறு வாக்குப்பதிவு.! பலத்த பாதுகாப்புடன் தொடங்கியது மேற்கு வங்க உள்ளாட்சி தேத்தல்.!

இன்று மேற்கு வங்க மாநிலத்தில் உள்ளாட்சி தேர்தல் துவங்கி வாக்குப்பதிவு விறுவிறுப்பாக நடைபெற்று வருகிறது.

மேற்குவங்க மாநிலத்தில் இன்று மாநிலம் முழுவதும் உள்ளாட்சி அமைப்புகளுக்கு தேர்தல் அறிவிக்கப்பட்டபடி நடைபெற்று வருகிறது. இந்த தேர்தல் அறிவிக்கப்பட்ட நாள் முதல் தாக்கல் செய்யும்போதே பல்வேறு மோதல்கள் ஏற்பட்டுள்ளன. இதுவரை இந்த தேர்தல் சமயத்தில் மட்டும் 18 பேர் உயிரிழந்து உள்ளனர்.

இந்நிலையில் இன்று அறிவித்தபடி உள்ளாட்சி அமைப்புகளுக்கு தேர்தல் நடைபெற்று வருகிறது. காலை 7 மணி முதல் வாக்காளர்கள் வாக்குச்சாவடிகளின் வரிசையில் நின்று வாக்களித்து வருகின்றனர். சுமார் 5.65 கோடி பேர் வாக்களிக்க உள்ளனர். அசம்பாவிதங்களை தவிர்க்கும் வரையில் 65 ஆயிரம் மத்திய காவல் படை போலீசார், மற்றும் 70 ஆயிரம் மாநில காவல்துறையினர் பாதுகாப்பு பணியில் ஈடுபட்டு உள்ளனர்.

இந்த உள்ளாட்சி தேர்தலில், மொத்தம் 63,229 கிராம பஞ்சாயத்து இடங்களுக்கும் , 9,730 பஞ்சாயத்து ஊர் தலைவர் இடங்களுக்கும் மற்றும் 928 மாவட்ட உள்ளாட்சி அமைப்பு இடங்களுக்கும் தேர்தல் நடைபெறுகின்றன.