ராகுல் காந்தி முடிந்தால் அந்தமான் சிறையில் ஒருநாள் தங்கிப் பார்க்கட்டும் – முதல்வர் ஏக்நாத் ஷிண்டே

சவார்க்கரை இழிவு படுத்தியது நாட்டு மக்களையே இழிவு படுத்தியதற்கு சமம் என மகாராஷ்டிரா முதல்வர் பேச்சு.

பிரதமர் மோடி பெயர் குறித்து அவதூறு விளைவிக்கும் விதமாக பேசியதாக ராகுல்காந்தி மீது குற்றம் சாட்டப்பட்ட நிலையில், இவருக்கு 2 ஆண்டுகள்  வழங்கப்பட்டுள்ளது. இதன்காரணமாக, ராகுல்காந்தி எம்பி பதவியில் இருந்து தகுதிநீக்கம் செய்யப்பட்டார்.

இதனை அடுத்து செய்தியாளர்களுக்கு பேட்டியளித்த ராகுல் காந்தி எனது அடுத்த பேச்சுக்கு பயந்து தான் நான் தகுதி நீக்கம் செய்யப்பட்டேன். அவரது கண்களில் பயத்தை காண்கிறேன்.  நான் நாடாளுமன்றத்தில் பேசுவதை பிரதமர் மோடி விரும்வில்லை என தெரிவித்தார்.

மேலும், இதுகுறித்து பாஜக மன்னிப்பு கோர கூறிய செய்தியாளர்கள் கேள்வி எழுப்பினர். அதற்கு பதிலளித்த அவர், என் பெயர் சாவர்க்கர் அல்ல, காந்தி. நான் மன்னிப்பு கேட்க மாட்டேன் என தெரிவித்தார்.

சாவர்க்கர் கௌரவ யாத்திரை

இது குறித்து செய்தியாளர்களுக்கு பேட்டியளித்த மகாராஷ்டிரா முதல்வரும் தற்போதைய சிவசேனா தலைவருமான ஏக்நாத் ஷிண்டே, ராகுல் காந்தியின் பேச்சால் மகராஷ்டிரா மக்கள் கொதிப்படைந்துள்ளனர். சாவர்க்கரின் தியாகத்தை தெரிவிக்க மாநிலம் முழுவதும் சாவர்க்கர் கௌரவ யாத்திரை நடத்துவோம்.

வீர் சவார்க்கரை குறித்து ராகுல் காந்தி அவதூறாக பேசியது கண்டனத்துக்குரியது. சவார்க்கரை இழிவு படுத்தியது நாட்டு மக்களையே இழிவு படுத்தியதற்கு சமம்; முடிந்தால் ராகுல் காந்தி அந்தமான் சிறையில் ஒருநாள் இருந்து பார்க்கட்டும் எனக் கூறியுள்ளார்.