கோவில் திருவிழாவில் பயங்கரம்.! கர்நாடக பாஜக இளைஞரணி பிரமுகர் படுகொலை.!

கர்நாடக மாநிலம் தார்வாட் தாலுகாவில் உள்ள கோட்டூர் கிராமத்தில், பாரதிய ஜனதா யுவ மோர்ச்சா (BJYM) தார்வாட் யூனிட் நிர்வாக உறுப்பினரும், கோட்டூர் கிராம பஞ்சாயத்து துணைத் தலைவருமான பிரவீன் கம்மர் என்பவர் நேற்று மர்ம நபர்களால் கொடூரமாக படுகொலை செய்யப்பட்டுள்ளார்.

இது குறித்து தார்வாட் தாலுகா எஸ்பி லோகேஷ் ஜகலாசர் செய்தியாளர்களிடம் பேசுகையில், பிரவீன் கம்மர் கொலை செய்யப்பட்டதாக எங்களுக்கு புகார் அளிக்கப்பட்டதை தொடர்ந்து, தற்போது 4 பேரை கைது செய்துள்ளோம்.

அவர்களிடம் விசாரணை நடத்தி வருகிறோம், முதற்கட்ட விசாரணையில் கோயில் திருவிழாவின் போது தகராறு ஏற்பட்டதன் காரணமாக பிரவீன் கொலை செய்யப்பட்டது தெரியவந்துள்ளது.  கர்நாடக தேர்தல் 2023 மே 1-ம் தேதி நடைபெற உள்ள நிலையில், இந்த அதிர்ச்சிகரமான படுகொலை சம்பவம்  அதிர்ச்சியை ஏற்படுத்தியுள்ளது.

இதற்கிடையில், பாஜக யுவ மோர்ச்சாவின் தேசியத் தலைவர் தேஜஸ்வி சூர்யா, அரசியல் எதிரிகளால் கம்மர் கொடூரமாக கொல்லப்பட்டதாகக் கூறி, குற்றவாளிகளை உடனடியாகக் கைது செய்யுமாறு கோரிக்கை வைத்துள்ளார்.