கர்நாடக சட்டசபை தேர்தல்..! பாஜகவின் 3-வது கட்ட வேட்பாளர் பட்டியல் வெளியீடு..!

by செந்தில்குமார்Posted on April 17, 2023

கர்நாடக சட்டமன்ற தேர்தலை முன்னிட்டு பாஜக தங்கள் 3வது கட்ட வேட்பாளர் பட்டியலை வெளியிட்டுள்ளது.

கர்நாடகா மாநிலத்தில் 224 சட்டமன்ற தொகுதிகளுக்கு வரும் மே மாதம் 10ஆம் தேதி தேர்தல் நடைபெறஉள்ளது. இதனை முன்னிட்டு பிரதான கட்சியினர் தங்கள் கட்சி வேட்பாளர்களை தேர்வுகளை செய்து அறிவித்து வருகின்றனர். ஏற்கனவே, காங்கிரஸ் கட்சி இதுவரை 166 தொகுதிகளுக்கான வேட்பாளர்களை அறிவித்துள்ளது.

அந்தவகையில், பாஜக தரப்பில் 224 தொகுதிகளில் இதுவரை 212 தொகுதிகளுக்கு வேட்பாளர்கள் அறிவிக்கப்பட்டுவிட்டனர். தற்பொழுது, பாஜக தங்கள் 3-வது கட்ட வேட்பாளர் பட்டியலை வெளியிட்டுள்ளது. அதில் 10 தொகுதிகளுக்கான வேட்பாளர்கள் பெயர் இடம்பெற்றுள்ளது.

கர்நாடக முன்னாள் முதல்வர் ஜெகதீஷ் ஷெட்டர், வரும் சட்டப்பேரவைத் தேர்தலில் போட்டியிட தனக்கு வாய்ப்பு வழங்கப்படாததால் பாஜகவில் இருந்து நேற்று விலகிய நிலையில், இன்று பெங்களூருவில் உள்ள காங்கிரஸ் கட்சி அலுவலகத்தில், மல்லிகார்ஜுன் கார்கே தலைமையில் காங்கிரஸில் இணைந்துள்ளார். இதனால் ஜெகதீஷ் ஷட்டரின், ஹீப்ளி தார்வாட் மத்திய தொகுதிக்கு மகேஷ் தெங்கின்காய் வேட்பாளராக அறிவிக்கப்பட்டுள்ளார்.