இறுதி சடங்கின் போது இறந்தவர் தண்ணீர் குடித்த சம்பவம்.?! மருத்துவர்கள் அதிர்ச்சி.!

கர்நாடகா மாநிலத்தில், மாரடைப்பால் இறந்தவர் இறுதி சடங்கின் போது தண்ணீர் அருந்தியதாக கூறப்பட்டதால், மருத்துவமனைக்கு அழைத்து சென்ற உறவினர்கள். அவரை சோதித்த மருத்துவர்கள், அவர் இறந்துவிட்டதை மீண்டும் உறவினர்களிடத்தில் உறுதிப்படுத்தினர்.

கர்நாடகா மாநிலத்தில், ஹுபலி, தார்வாட் பகுதியில் ஒருவர் கடந்த வெள்ளிக்கிழமை மாரடைப்பு காரணமாக உயிரிழந்துள்ளார். அவர் இறப்பதற்கு முன்னர், உடல்நிலை சரியில்லாத காரணத்தால் மருத்துவமனையில் சிகிச்சை பெற்றுவந்துள்ளார்.

வெள்ளிக்கிழமை இறந்ததை அடுத்து, அவரது உறவினர்கள், அவருக்கு இறுதி சடங்குகளை செய்தனர். அப்போது, அவரை குளிப்பாட்டுகையில், இறந்தவர் அந்த தண்ணீரை பருகியதாக உறவினர் ஒருவர் கூறியுள்ளார். உடனே இறந்தவரின் உறவினர்கள், இறந்தவரை தூக்கிக்கொண்டு, மாவட்ட மருத்துவமனைக்கு விரைந்துள்ளனர்.

அங்கு இறந்தவரை சோதித்த மருத்துவர்கள், அவர் இறந்தததை மீண்டும் உறுதிப்படுத்திவிட்டனர். இதனை அடுத்து, அவருக்கு இறுதி சடங்குகள் மேற்கொள்ளப்பட்டு, அவரது உடல் நல்லடக்கம் செய்யப்பட்டது.