கன்னட நடிகை ராகினி திவேதியை கைது செய்த மத்திய குற்றப்பிரிவு போலீஸ்.!

போதைப்பொருள் தொடர்பாக நடிகை ராகினி திவேதியின் வீட்டிற்கே சென்று மத்திய குற்றப்பிரிவு போலீசார் கைது செய்துள்ளனர்.

பிரபல கன்னட நடிகை ராகினி திவேதி போதை பொருள் கும்பலுடன் நெருங்கிய தொடர்பு இருந்ததற்காக மத்திய குற்றப்பிரிவு போலீசார் கைது செய்துள்ளனர். சமீபத்தில் பெங்களூரில் பல கோடி ரூபாய் மதிப்பிலான கஞ்சா உள்ளிட்ட பலவகையான போதைப்பொருட்கள் கைப்பற்றப்பட்டது. இது தொடர்பாக தமிழ்நாட்டை சேர்ந்த துணை நடிகை உள்ளிட்ட 3 பேர் கைது செய்யப்பட்டனர். பின்னர் அவர்களிடம் நடத்திய விசாரணையில், அரசியல் அதிகாரி ரவிசங்கர் என்பவர் நடிகர், நடிகைகளுக்கும் போதை பொருள் தரகராக வேலை செய்து வந்தது தெரியவந்தது.

மேலும், முன்னணி நடிகர்கள், இசையமைப்பாளர்கள் என பலரும் போதைப்பொருட்களை பெற்றிருப்பதும் கண்டுபிடிக்கப்பட்டது. உடனடியாக மத்திய குற்றப்பிரிவு போலீசார் ரவிசங்கரை கைது செய்து விசாரணை நடத்தினர். அந்த சமயம் நடிகை ராகினி திவேதி இந்த கும்பலுடன் நெருங்கிய தொடர்பில் இருந்தது தெரியவந்தது. இதையடுத்து, நடிகை ராகினி திவேதிக்கு மத்திய குற்றப்பிரிவு போலீசார் நோட்டீஸ் அனுப்பியும், அவர் நேரில் ஆஜராகவில்லை. இந்த நிலையில், ராகினி திவேதியின் வீட்டிற்கே சென்று மத்திய குற்றப்பிரிவு போலீசார் கைது செய்துள்ளனர். கைது செய்யப்பட்ட ராகினி திவேதியிடம் தீவிர விசாரணை மேற்கொள்ளப்படவுள்ளது.