கேரளா அமைச்சரவையில் கே.கே சைலஜா இடமில்லை..?

தற்போதைய சுகாதார அமைச்சர் கே.கே சைலஜாவுக்கு புதிய அமைச்சரவையில் இடம்பெறவில்லை தகவல் வெளியாகியுள்ளது.

கேரளாவில் முதல்வர் பினராயி விஜயன் தலைமையிலான புதிய அமைச்சரவையில் பழைய அமைச்சர்கள் இடம்பெறவில்லை என தகவல் வெளிவந்துள்ளது. அதிலும் குறிப்பாக தற்போதைய சுகாதார அமைச்சர் கே.கே சைலஜாவும்  இடம்பெறவில்லை என தகவல் வெளியாகி உள்ளது.

பினராயி விஜயனைத் தவிர மற்ற அனைவரும் புதுமுகங்களாக அமைச்சரவையில் இடம்பெறுவார்கள் என கூறப்படுகிறது. உலகம் போற்றிய கேரளா சுகாதார அமைச்சராக இருந்த கே கே சைலஜா பினராயி விஜயன் அமைச்சரவையில் இடம்பெறவில்லை என்பது குறிப்பிடத்தக்கது.

கேரள முதலமைச்சராக தொடர்ந்து 2-ஆவது முறையாக பினராயி விஜயன் வரும் 20-ஆம் தேதி பதவியேற்கிறார். திருவனந்தபுரம் சென்ட்ரல் மைதானத்தில் நடைபெறும் நிகழ்ச்சியில் ஆளுநர் முகமது ஆரிஃப் கான் முதலமைச்சர் மற்றும் அமைச்சர்களுக்கு பதவி பிரமாணம் செய்து வைக்கவுள்ளார்.