ஜிப்மர் மருத்துவமனை, உயர் சிகிச்சைக்கு கட்டணம்; தகவல்.!

ஜிப்மர் மருத்துவமனையில் உயர்சிகிச்சைக்கான கட்டண நிர்ணயம் செய்யப்பட்டுள்ளதாக தகவல் வெளியாகியுள்ளது.

புதுச்சேரியில் உள்ள மத்திய அரசின், ஜிப்மர் மருத்துவக்கல்லூரி மற்றும் மருத்துவமனையில், புதுச்சேரி மற்றும் தமிழகம் உள்ளிட்ட பகுதிகளிலிருந்து, வெளி மற்றும் உள்நோயாளிகள் சிகிச்சை பெற்றுவருகின்றனர்.

சிவப்பு ரேஷன் அட்டை வைத்திருப்பவர்கள் மற்றும் காப்பீடு வைத்திருக்கும் நோயாளிகள் தவிர மற்ற நோயாளிகளுக்கு ஜிப்மர் மருத்துவமனையில் உயர் சிகிச்சை பெற கட்டணம் நிர்ணயித்துள்ளதாக தகவல் வெளியானது. புதுச்சேரியில் வறுமைக்கோட்டுக்கு கீழ் உள்ளவர்களுக்கு சிவப்பு ரேஷன் அட்டையும், வறுமைக்கோட்டுக்கு மேல் உள்ளவர்களுக்கு மஞ்சள் ரேஷன் அட்டையும் வழங்கப்படுகிது.

இந்த நிலையில் காப்பீடு மற்றும் சிவப்பு ரேஷன் அட்டை பயன்பாட்டின் கீழ் வராத நோயாளிகளுக்கு, ஜிப்மர் மருத்துவமனையில் உயர்சிகிச்சைக்கான கட்டண நிர்ணயம் செய்யப்பட்டுள்ளது. 63 வகையான உயர்சிகிச்சைக்கு ரூ.500 முதல் ரூ.12,000 வரை கட்டணம் நிர்ணயமாக அறிவிக்கப்பட்டுள்ளதாக தகவல்கள் தெரிவிக்கின்றன.