டெல்லி கலவரம்..! ஜவஹர்லால் நேரு பல்கலைக்கழக முன்னாள் மாணவர் தலைவர் கைது.!

கடந்த பிப்ரவரி மாதம் பிப்ரவரி 24-ம் தேதி அன்று வடகிழக்கு டெல்லியில் குடியுரிமை (திருத்தம்) சட்டத்தின் ஆதரவாளர்களுக்கும் , சட்டத்திற்கு எதிரானவர்களுக்கும் இடையே பயங்கர கலவரம் நடைபெற்றது. இந்த  கலவரம் ஜாஃப்ராபாத், சிவ் விஹார், சீலம்பூர், ஷாகுர் பஸ்தி உள்ளிட்ட பகுதிகளில் நடைபெற்றது.

இந்த கலவரத்தில் 53 பேர் கொல்லப்பட்டனர், 500-க்கும் மேற்பட்டோர் பேர் காயமடைந்தனர். 108 காவல்துறையினர் காயமடைந்தனர், இரண்டு பேர்உயிரிழந்தனர்.  இந்த கலவரம் தொடர்பாக ஜவஹர்லால் நேரு பல்கலைக்கழக முன்னாள் மாணவர் தலைவர் உமர் காலித்திடம் செப்டம்பர் 2 ம் தேதி டெல்லி போலீஸ் குற்றப்பிரிவு விசாரித்தது.

இதைத்தொடர்ந்து, அவரிடம் 11 மணி நேர விசாரணைக்கு பின்னர் அவரை டெல்லி போலீசாரின் சிறப்புப் பிரிவு நேற்று இரவு கைது செய்தது. டெல்லி போலீசார் காலித்தை சிறப்பு சட்டவிரோத நடவடிக்கைகள் (தடுப்பு) சட்டத்தின் (யுஏபிஏ) கீழ் காலித்தை கைது செய்து உள்ளனர்.

இதுவரை 751 வழக்குகளில் 1,575 பேரை போலீசார் கைது செய்துள்ளனர். கலவரம் தொடர்பான வழக்குகளில் 250 க்கும் மேற்பட்ட குற்றப்பத்திரிகைகள் தாக்கல் செய்யப்பட்டுள்ளன என்பது குறிப்பிடத்தக்கது.