நாம் பிரச்சினைகளை சந்தித்தாலும் பரவாயில்லை , சீனர்களை நுழையவிடக்கூடாது- மம்தா பானர்ஜி

நாம் பிரச்சினைகளை சந்தித்தாலும் பரவாயில்லை , சீனர்களை நுழையவிடக்கூடாது என்று மேற்கு வங்க முதலமைச்சர் மம்தா பானர்ஜி  தெரிவித்துள்ளார்.

லடாக் எல்லைப் பிரச்னை குறித்து விவாதிக்க பிரதமர் மோடி தலைமையில் காணொலி வாயிலாக அனைத்துக்கட்சிக் கூட்டம் தொடங்கியது. லடாக் எல்லை பகுதிகளில், இந்திய ராணுவத்துக்கும், சீன ராணுவத்துக்கும் இடையே சண்டை ஏற்பட்டது. அதன்படி, இந்திய ராணுவம் தரப்பில் 20 வீரர்கள் உயிரிழந்துள்ளனர் .சீன ராணுவம் தரப்பில்  அதிகார்பூர்வ தகவல் தெரிவிக்கப்படவில்லை.இரு நாடுகளும் பேச்சுவார்த்தை மூலமாக தீர்வு காண முயற்சிகளை மேற்கொண்டு வருகிறது.இதனால் பிரதமர் மோடி தலைமையில் அனைத்துக்கட்சிக் கூட்டம் நடைபெற்றது.

இந்த கூட்டத்தில் மேற்கு வங்க முதலமைச்சர் மம்தா பானர்ஜி பேசுகையில், சீனா சர்வாதிகார நாடாகும்.இதனால் தான் விரும்பியதை எல்லாம் செய்ய முயற்சி செய்யும் . இதற்கு இந்தியா ஒற்றுமையாக இருக்க வேண்டும்.குறிப்பாக உள்கட்டமைப்பு துறைகளில் சீன நிறுவனங்களை நுழைய விடக்கூடாது.மேலும் சிவில் விமான போக்குவரத்து.ரயில்வே,தொலைத்தொடர்பு உள்ளிட்டவற்றிலும் சீன நிறுவனங்களை நுழையவிடக்கூடாது.இதனால் என்ன பிரச்சினை ஏற்பட்டாலும் அவர்களை நுழைய விடக்கூடாது என்று பேசினார்.