ஜெய்ப்பூரில் இன்று இந்திய காவல்துறை டிஜிபிக்கள் மாநாடு.! பிரதமர் மோடி – அமித் ஷா பங்கேற்பு…

DGPs Conference [file image]

ராஜஸ்தான் மாநிலம் ஜெய்ப்பூரில் உள்ள ராஜஸ்தான் இன்டர்நேஷனல் சென்டரில் 2023 ஆம் ஆண்டுக்கான அகில இந்திய இயக்குநர் ஜெனரல்கள், இன்ஸ்பெக்டர் ஜெனரல்கள் மாநாட்டில் கலந்து கொள்ள பிரதமர் நரேந்திர மோடி மற்றும் மத்திய உள்துறை அமைச்சர் அமித் ஷா ஆகியோர் இன்று ஜெய்ப்பூர் வருகிறார்கள்.

இன்று முதல் ஜனவரி 5 முதல் ஜனவரி 7 வரை நடைபெறும் இந்த மூன்று நாள் மாநாட்டில், சைபர் கிரைம், காவல்துறையில் தொழில்நுட்பம், பயங்கரவாத எதிர்ப்பு சவால்கள், இடதுசாரி தீவிரவாதம் மற்றும் சிறைச் சீர்திருத்தங்கள் உள்ளிட்ட பல்வேறு காவல் துறை மற்றும் உள் பாதுகாப்பு பிரச்சினைகள் குறித்து விவாதிக்கப்படும்.

இந்த மாநாட்டின் மற்றொரு முக்கிய நிகழ்வாக புதிய குற்றவியல் சட்டங்களை நடைமுறைப்படுத்துவதற்கான சாலை வரைபடத்தில் விவாதிக்கப்படவுள்ளதாக கூறப்படுகிறது. 2014 முதல் டிஜிபி-ஐஜிபி மாநாடு நாடு முழுவதும் நடைபெற்று வருகிறது.

இந்த மாநாட்டில் மத்திய உள்துறை அமைச்சர் அமித் ஷா, தேசிய பாதுகாப்பு ஆலோசகர் அஜித் தோபால், உள்துறை அமைச்சகம், கேபினட் செயலர், இந்திய அரசின் மூத்த அதிகாரிகள், மாநிலங்கள் மற்றும் யூனியன் பிரதேசங்களின் டிஜிபி மற்றும் மத்திய ஆயுதப் படைகள் மற்றும் மத்திய போலீஸ் தலைவர்களும் கலந்து கொள்கின்றனர்.

பிரதமர் வருகை

இன்று மாலை ஜெய்ப்பூரை அடைந்த அவர், முதலில் அம்மாநில பாஜக அலுவலகத்திற்குச் சென்று பாஜக அலுவலகப் பணியாளர்கள், முதல்வர் பஜன் லால் சர்மா, அமைச்சர்கள் மற்றும் எம்எல்ஏக்களுடன் உரையாட இருக்கிறார். பிரதமராக பதவியேற்ற பிறகு பாஜக மாநில அலுவலகத்துக்கு பிரதமர் மோடி வருவது இதுவே முதல் முறை.