கொரோனா பாதிப்பில் சீனாவையும் மிஞ்சிய இந்தியா – பாதிப்பு மற்றும் உயிரிழப்பு எவ்வளவு?

இந்தியாவில் கொரோனா வைரஸின் பாதிப்பு நேற்று ஒரே நாளில் புதியதாக 3,787 பேர் பாதிக்கப்பட்டுள்ளதோடு, 104 பேர் உயிரிழந்து உள்ளனர்.

உலகம் முழுவதும் கொரோனாவின் தாக்கம் அதிகரித்து கொண்டே தான் செல்கிறது. இதுவரை 4,628,549 பேர் கொரோனாவால் உலகம் முழுவதும் பாதிக்கப்பட்டுள்ளனர். மேலும், 308,645 பேர் உயிரிழந்து உள்ளனர். 

சில நாடுகளில் கொரோனா பாதிப்பு மிகவும் அதிகளவில் உள்ளது. இந்தியா குறைவான தாக்கம் கொண்ட நாடாக கருதப்பட்டாலும், தற்பொழுது வரை 85,940 பேர் கொரோனாவால் பாதிக்கப்பட்டுள்ளனர். மேலும், தற்பொழுது வரை 2,752 பேர் உயிரிழந்து உள்ளனர். இவர்களில் உயிரிழந்தவர்கள் தவிர 30,153 பேர் குணமாகி வீடு திரும்பியுமுள்ளனர்.

 பாதிக்கப்பட்டவர்களில் உயிரிழந்தவர்கள், குணமாகியவர்கள்  தவிர்த்து தற்பொழுது 52,773 பேர் மருத்துவமனையில் சிகிச்சை பெற்று வருகின்றனர். நேற்று ஒரே நாளில் இந்தியா முழுவதும் புதியதாக 3,787 பேர் பாதிக்கப்பட்டுள்ளதோடு, 104 பேர் உயிரிழந்து உள்ளனர். 

கொரோனா ஆரம்பமாகிய சீனாவில் கூட பாதிக்கப்பட்டவர்கள் எண்ணிக்கை 82,933 ஆகவும், உயிரிழந்தவர்கள் எண்ணிக்கை 4,633 ஆகவும் தான் உள்ளது. தற்பொழுது புதியதாக 4 பேருக்கு மட்டுமே கொரோனா தொற்றுள்ளது. அத்துடன் இறப்பு ஒன்றுமில்லை. 

சீனாவை விட இந்தியா கொரோனா பாதிப்பில் அதிகளவில் உள்ளது. ஆனால்  உயிரிழப்பு பாதிக்கு பாதி குறைவாகவே உள்ளது. சீனாவையும் மிஞ்சி கொரோனா கோர தாண்டவம் ஆடி வருகிறது. எனவே, நாம் பாதுகாப்பாக “தனித்திருப்போம், விழித்திருப்போம், வீட்டிலிருப்போம்”.