டெல்லியில் அதிகரிக்கும் கொரோனா பாதிப்பு.. நாளை அவசர கால ஆலோசனை!

டெல்லியில் கொரோனா வைரஸின் தாக்கம் நாளுக்கு நாள் அதிகமடைந்து வருவதால், நாளை முதல்வர் அரவிந்த் கெஜ்ரிவால் ஆலோசனை நடத்தவுள்ளார்.

டெல்லியில் நேற்று ஒரே நாளில் 2000க்கும் மேற்பட்டோருக்கு கொரோனா தொற்று உறுதி செய்யப்பட்டுள்ளதால், அங்கு பாதித்தோரின் எண்ணிக்கை 36,824 ஆக உயர்ந்துள்ளது. மேலும், 1,214 பேர் உயிரிழந்துள்ளது, மக்களிடையே அச்சத்தை ஏற்படுத்தியுள்ளது.

இந்நிலையில், டெல்லியில் கொரோனா வைரஸ் தாக்கம் அதிகரித்து வருவதால், அம்மாநில முதல்வர் நாளை ஆலோசனை நடத்தவுள்ளார். இந்த ஆலோசனை கூட்டத்தில் டெல்லி துணை ஆளுநர் மற்றும் மத்திய அமைச்சர்களான அமித்ஷா மற்றும் ஹர்ஷ்வர்தன் பங்கேற்க உள்ளனர்.