கேரளாவில் இதுவரை 95,702 பேர் கொரோனாவிலிருந்து மீண்டு வீடு திரும்பியுள்ளனர்.!

கேரளாவில் ஒரே நாளில் 4,696 பேருக்கு கொரோனா உறுதி செய்யப்பட்டுள்ளது.

கேரளாவில் நான்காவது நாளாக 4 ஆயிரத்திற்கும் மேல் கொரோனாதொற்று பதிவாகியுள்ளது. அந்த வகையில், இன்று ஒரே நாளில் 4,696 பேருக்கு கொரோனா தொற்று உறுதி. மேலும், இன்று 16 பேர் சிகிச்சைபலனின்றி உயிரிழந்ததால் இதுவரை கொரோனாவால் 536 பேர் உயிரிழந்துள்ளனர்.

இதற்கிடையில், 39,415 பேர் கொரோனாவுக்கு மருத்துவமனையில் சிகிச்சை பெற்று வருகின்றனர். மேலும், கொரோனாவிலிருந்து இன்று 2,751 பேர் குணமடைந்தனர். இதுவரை 95,702 பேர் கொரோனாவிலிருந்து மீண்டு வீடு திரும்பியுள்ளார்கள் என கேரள முதல்வர் பினராயி விஜயன் தெரிவித்துள்ளார்.