இன்று எத்தனை துறைக்கு பலன்.? நிதியமைச்சரின் 5-ஆம் கட்ட முக்கிய அறிவிப்பு !

இன்று  காலை 11 மணிக்கு செய்தியாளர்களை சந்தித்து, 5-ஆம் கட்ட முக்கிய அறிவிப்புகளை வெளியிட உள்ளார்.

நாடு முழுவதும் கொரோனா பரவலை தடுக்க ஊரடங்கு பிறப்பிக்கப்பட்டுள்ளது. இதனால், நாட்டின் பொருளாதாரம்  சரிவை கண்டுள்ளது. இந்திய பொருளாதாரத்தை மீட்டெடுக்க பிரதமர் மோடி ரூ.20 லட்சம் கோடிக்கான பொருளாதார சிறப்பு திட்டத்தை அறிவித்தார். இதனைதொடர்ந்து மத்திய நிதியமைச்சர் நிர்மலா சீதாராமன் சுயசார்பு பாரதம் என்ற பெயரில் பல்வேறு பிரிவினரும் சிறப்பு திட்டங்களைஅறிவித்து வருகிறார்.

நேற்றைய அறிவிப்பில்  கனிமங்கள், தடவாள உற்பத்தி, விமானம், விண்வெளி, அணுசக்தி உள்ளிட்ட 8 துறைகளுக்கு முக்கிய திட்டங்களை அறிவித்தார். அதில், முக்கிய அறிவிப்பாக நிலக்கரித்துறை கட்டமைப்பை மேம்படுத்த ரூ.50,000 கோடி ஒதுக்கீடு செய்யப்பட்டுள்ளது என அறிவித்தார்.

இதனையடுத்து இன்று 5-வது நாளாக முக்கிய அறிவிப்புகளை வெளியிட உள்ளார். வழக்கமாக மத்திய நிதி அமைச்சர்  நிர்மலா சீதாராமன் மாலை 4 மணி அளவில் செய்தியாளர்களை சந்தித்து அறிவிப்புகளை அறிவித்து வந்தார். இந்நிலையில், இன்று வழக்கத்திற்கு மாறாக காலை 11 மணிக்கு செய்தியாளர்களை சந்திக்க உள்ளார்.

இன்றைய அறிவிப்பில் எத்தனை கோடி அறிவிக்கவுள்ளார்..? எந்தந்த துறைக்கு அறிவிக்கவுள்ளார்..? என்ற எதிர்பார்ப்பு மக்கள் மத்தியில் எழுந்துள்ளது.