[FILE IMAGE]
உத்தரபிரதேச மாநிலம் வாரணாசியில் உள்ள கஞ்சாரி பகுதியில் செப்.23ம் தேதி சர்வதேச கிரிக்கெட் மைதானத்திற்கு பிரதமர் நரேந்திர மோடி அடிக்கல் நாட்டுகிறார். ஆன்மீக வரலாற்றில் ஒரு சிறப்பான இடத்தை பெற்றுள்ள வாரணாசி, தற்போது மாநிலத்தின் முக்கியமான விளையாட்டு மையமாக உருவாக உள்ளது. அந்தவகையில், சர்வதேச கிரிக்கெட் மைதானம் அமையவுள்ளது.
பிரதமர் மோடியின் சொந்த தொகுதியான வாரணாசியில் சுமார் ரூ.450 கோடியில் இந்த மைதானம் அமையவுள்ளது. அதுவும், சிவனின் உருவத்தை அடிப்படையாக கொண்டு 30 ஏக்கரில் மைதானம் உருவாக்கப்படவுள்ளது.மேலும் திரிசூலம் வடிவிலான விளக்கு கோபுரங்கள், உடுக்கை வடிவிலான மையப் பகுதிகளும், பிறை நிலா வடிவிலான மேற்கூரைகளும் அமைய உள்ளதாக மாதிரி படங்கள் வெளியாகியுள்ளன.
இந்த படங்கள் இணையத்தில் தற்போது வைரலாகி வருகிறது. வாரணாசி மைதானம் சுமார் 30,000 பேர் அமர்ந்து பார்க்கும் வண்ணம் அமைக்கப்பட உள்ளது. புதிய அக்கட்டப்படவுள்ள மைதானத்தில் டிஸ்ப்ளே ஸ்கோர்போர்டு, ஃப்ளட் லைட்கள், கார்ப்பரேட் பாக்ஸ்கள், பயிற்சிப் பகுதிகள், விஐபி ஓய்வறைகள், செய்தியாளர் சந்திப்பு மண்டலம் மற்றும் அலுவலகப் பகுதிகள் என்று அனைத்து வசதிகளுடன் கூடியதாக இந்த மைதானம் கட்டப்படவுள்ளது.
உத்தரபிரதேச கிரிக்கெட் சங்க இயக்குநர் யுத்வீர் சிங் கூறுகையில், இந்த மைதானத்தில் வரும் 2025ம் ஆண்டு முதல் காசி மக்கள் கிரிக்கெட் போட்டிகளை பார்க்கலாம் என்று கூறியிருந்தார். 2.5 ஆண்டுகளில் இந்த கிரிக்கெட் மைதானம் கட்டப்படுவதால், வாரணாசி சர்வதேச கிரிக்கெட் போட்டிகளை நடத்த முடியும் என்றும் 121 கோடி மதிப்பிலான மைதானத்தின் நிலம் உத்தரபிரதேச அரசால் ஏற்கனவே வாங்கப்பட்டுள்ளது எனவும் கூறப்படுகிறது.
எனவே, இந்திய கிரிக்கெட் கட்டுப்பாட்டு வாரியம் மற்றும் உத்தரப்பிரதேச கிரிக்கெட் சங்கம் ஆகியவற்றின் பங்கேற்புடன் இந்த அடிக்கல் நாட்டு விழா வரும் 23ம் தேதி நாளை மறுநாள் தொடங்க உள்ளது. இவ்விழாவில் இந்திய நட்சத்திர கிரிக்கெட் வீரர்கள் கலந்து கொள்ள வாய்ப்புள்ளது என கூறப்படுகிறது. மேலும், வாரணாசி தொகுதியில் ரூ.1,115 கோடியில் கட்டப்பட்ட 16 பள்ளிகளையும் பிரதமர் திறந்து வைக்க உள்ளார்.
மும்பை : இந்தியாவில் பல இடங்களில் சையத் முஷ்டாக் அலி டிராபி நடைபெற்று வருகிறது. இதில், இந்திய அணியின் மூத்த…
சென்னை : ஐயா விடாமுயற்சி அப்டேட் கொடுங்க என அஜித் ரசிகர்கள் அந்த படத்தின் அப்டேட்டை தினமும் தயாரிப்பாளரிடம் கேட்டுக்கொண்டு வருகிறார்கள்.…
வாஷிங்டன் : அமெரிக்காவில் சூரிய மின்சக்தித் திட்டத்தில் முதலீட்டாளர்களை ஏமாற்றியதாகவும், அதிகாரிகளுக்கு லஞ்சம் கொடுத்ததாகவும் கவுதம் அதானி மீது பல…
உத்திரபிரதேசம் : மாநிலத்தில் சம்பல் என்ற ஷாஹி ஜமா மசூதி ஒன்று இருக்கிறது. ஆனால், இந்த மசூதி இங்கு இருப்பதற்கு முன்னதாக…
சென்னை : தமிழகத்தின் முதல் பெண் முதல்வரும், எம்ஜிஆரின் மனைவியுமான மறைந்த ஜானகியின் நூற்றாண்டு விழா அதிமுக சார்பில் வானகரத்தில்…
சென்னை : அடுத்த ஆண்டு ஜனவரி 14-ஆம் தேதி பொங்கல் திருநாள் அன்று சிஏ பவுண்டேஷன் தேர்வுகள் நடத்தப்படும் என மத்திய…
