இரு நாடுகளின் குடியுரிமை இருந்தால் எப்படி தேசபக்தி இருக்கும் – ராகுலை சாடிய பிரக்யா சிங்

இரு நாடுகளின் குடியுரிமை இருந்தால் எப்படி தேசபக்தியை வெளிப்படுத்துவீர்கள் என்று ராகுல் குறித்து பேசியுள்ளார் பாஜகவின் பிரக்யா சிங் தாகூர்.

இந்திய சீனா எல்லை பகுதிகளில் ஒன்றான லடாக் எல்லைபகுதியில், இரு நாட்டு ராணுவத்திற்கும் இடையே நீண்ட நாட்களாக போர்பதற்றம் நிலவி வருகிறது. இதனிடையே லடாக் எல்லை பகுதிகளில், இந்திய ராணுவத்துக்கும், சீன ராணுவத்துக்கும் இடையே சண்டை ஏற்பட்டதில் இந்திய ராணுவத்தை சேர்ந்த 20 வீரர்கள் உயிரிழந்தனர்.இதனையடுத்து இரு நாடுகளும் பிரச்சினையை தீர்க்க முயற்சி மேற்கொண்டு வருகின்றது.

ஆனால் இந்த விவகாரத்தில் காங்கிரஸ் கட்சி பாஜகவை தொடர்ந்து விமர்சித்து வருகிறது.குறிப்பாக காங்கிரஸ் எம்.பி. ராகுல் காந்தி ,20  இந்திய ராணுவ வீரர்கள் பலியானதற்கு யார் பொறுப்பு? வீரர்களை ஆயுதமின்றி அனுப்பியது யார்?  என்று பல்வேறு கேள்விகளை எழுப்பினார்.

இந்நிலையில் சீன விவகாரத்தில் காங்கிரஸ் நிலைப்பாடு குறித்து பாஜக எம்.பி. பிரக்யா சிங் தாகூர் கூறுகையில்,தாய் மண்ணில் பிறந்தவனால்தான் தாய்  நாட்டைக் காப்பாற்ற முடியும் என்று சாணக்யா கூறினார். அப்படிப் பார்த்தால், வெளிநாட்டுப் பெண்ணிற்குப் பிறந்தவர் எப்படி தேசபக்தராக இருக்க முடியும். இரு நாடுகளின் குடியுரிமை இருந்தால் எப்படி தேசபக்தியை வெளிப்படுத்துவீர்கள் என்று ராகுலை சாடி பேசியுள்ளார்.