ஒரு கோடி வாக்கு வந்தால், ரூ.70-க்கு மதுபானம் விற்போம் – ஆந்திர மாநில பாஜக தலைவர் சோமு வீரராஜு

பாரதிய ஜனதாவுக்கு ஒரு கோடி ஓட்டு கொடுங்கள். நாங்கள் வெறும் 70 ரூபாய்க்கு மதுபானம் வழங்குவோம் ஆந்திர மாநில பாஜக தலைவர் சோமு வீர ராஜு என தெரிவித்துள்ளார். 

ஆந்திராவில் விஜயவாடாவில் நடைபெற்ற பொதுக்கூட்டத்தில் பேசிய ஆந்திர மாநில பாஜக தலைவர் சோமு வீர ராஜு, 2024ஆம் ஆண்டு நடைபெறவுள்ள சட்டசபை தேர்தலில் மலிவான மதுபானத்திற்காக மாநிலத்தில் பாஜகவுக்கு வாக்களிக்குமாறு கேட்டுக் கொண்டார்.

மேலும் அவர் கூறுகையில், பாரதிய ஜனதாவுக்கு ஒரு கோடி ஓட்டு கொடுங்கள். நாங்கள் வெறும் 70 ரூபாய்க்கு மதுபானம் வழங்குவோம். வருமானம் மிச்சம் இருந்தால், வெறும் 50 ரூபாய்க்கு வழங்குவோம் என தெரிவித்தார். மேலும், மாநில அரசு தரம் குறைந்த மதுபானங்களை அதிக விலைக்கு மக்களுக்கு விற்பதாகவும் குற்றம் சாட்டியுள்ளார்.

இதனையடுத்து, ஆந்திராவில் ஆளுங்கட்சித் தலைவர்கள் பலரும் மது ஆலைகளை நடத்துகின்றனர். இந்த மது ஆலைகளில் தரமற்ற மதுவே தயாரித்து விற்கப்படுகிறது. ஆந்திராவில் உள்ள ஒவ்வொருவரும் மதுவுக்காக மட்டும் மாதத்திற்கு ரூ. 12,000 வரை செலவிடுகிறார்கள் என்று தெரிவித்துள்ளார்.