நான் மாட்டிறைச்சி சாப்பிடுவேன்.. எந்த பிரச்சனையும் இங்கு இல்லை.! பாஜக தலைவர் பரப்புரை.!

நான் பாஜகவில் தான் இருக்கிறேன், மாட்டிறைச்சியும் சாப்பிட்டு தான் வருகிறேன். இங்கு எந்த பிரச்னையும் இல்லை. – மேகாலயா மாநில பாஜக தலைவர் எர்னெஸ்ட் மேவ்ரி. 

மேகாலயா மாநிலத்தில் உள்ள 60 தொகுதிகளுக்கும் வரும் 27ஆம் தேதி தேர்தல் நடைபெற உள்ளது. இதற்காக அங்குள்ள பிரதான கட்சிகள் தேர்தல் பிரச்சாரத்தில் முழு வீச்சில் ஈடுபட்டுள்ளன.  பிப்ரவரி 24ஆம் தேதியில் கூட பிரதமர் மோடி மேகாலயா மாநிலத்திற்கு பிரச்சாரத்திற்கு வரவுள்ளார்.

மாட்டிறைச்சி : அம்மாநில பாஜக தலைவர் எர்னெஸ்ட் மேவ்ரி அண்மையில் அளித்த பேட்டியில், மாட்டிறைச்சி சாப்பிடுவது பற்றி கூறியுள்ளார். அவர் கூறுகையில், நான் பாஜகவில் தான் இருக்கிறேன், மாட்டிறைச்சியும் சாப்பிட்டு தான் வருகிறேன். இங்கு எந்த பிரச்னையும் இல்லை. என குறிப்பிட்டு பேசினார்.

கிறிஸ்தவ தேவாலயங்கள் : மேலும், மேகாலயாவில் 9 ஆண்டுகால பாஜக ஆட்சியின் கீழ், எந்த ஒரு கிறிஸ்தவ தேவாலயங்களும் தாக்கப்படவில்லை. என குறிப்பிட்டு மேகாலயா மாநிலத்தின் பாஜக தலைவர் எர்னெஸ்ட் மேவ்ரி செய்தியாளர்களிடம்  பதிவிட்டுள்ளார்.