இந்தியாவில் கடந்த 24 மணி நேரத்தில் கொரோனா பாதிப்பு மற்றும் உயிரிழப்பு எவ்வளவு தெரியுமா?

இந்தியாவில் கடந்த 24 மணி நேரத்தில் மட்டும் புதிதாக 49 ஆயிரத்துக்கும் அதிகமானோர் புதிதாக கொரோனாவால் பாதிக்கப்பட்டுள்ள நிலையில், 576 பேர் உயிரிழந்துள்ளனர்.

உலகளவில் நாளுக்கு நாள் கொரோனாவின் தாக்கம் அதிகரித்துக்கொண்டே வந்தாலும், இந்தியாவில் சற்றே குறைந்துகொண்டே செல்கிறது என்று தான் சொல்லியாக வேண்டும். இதுவரை இந்தியாவில் 84,60,885 பேர் பாதிக்கப்பட்டுள்ள நிலையில், 125,605 பேர் உயிரிழந்துள்ளனர்.

இவர்களில் 78,18,558 பேர் குணமடைந்து வீடு திரும்பியுமுள்ளனர். கடந்த 24 மணி நேரத்தில் மட்டும் இந்தியாவில் 49,851 பேர் புதிதாக கொரோனா தொற்றால் பாதிக்கப்பட்டுள்ள நிலையில், 576 பேர் உயிரிழந்துள்ளனர். தற்பொழுது மருத்துவமனைகளில் 5,16,722 பேர் சிகிச்சை பெற்று வருகின்றனர். இந்த நிலை மாறவேண்டுமானால் நாம் கொரோனாவுக்கு எதிராக ஒன்றாக இணைந்து போராடுவோம், முக கவசம் அணிந்து வெளியில் செல்கையில் சமூக இடைவெளியை பின்பற்றுவதையும் வழக்கப்படுத்திக்கொள்வோம்.