இந்தியாவில் லட்சத்தை கடந்த பாதிப்பு, உயிரிழப்பு எவ்வளவு தெரியுமா?

கொரோனாவின் தாக்கம் இந்தியாவிலும் அதிகரித்துக் கொண்டே தான் செல்கிறது. இதுவரை பாதிப்பு ஒரு லட்சத்தை கடந்துள்ள நிலையில், உயிரிழப்பு 4 ஆயிரத்தை கடந்துள்ளது.

உலகம் முழுவதும் கொரோனா வைரஸின் தாக்கம் அதிகரித்துக் கொண்டேதான் செல்கிறது. சில நாடுகளில் இதன் தாக்கம் அதிகரித்து வீரியம் சற்று குறைய ஆரம்பித்துள்ளது. இருந்த போதிலும் இந்தியாவில் கொரோனாவின் தாக்கம் அதிகரித்துக் கொண்டேதான் போகிறது.

இதுவரை 138,536 பேர் இந்தியாவில் கொரோனாவால் பாதிக்கப்பட்டுள்ள நிலையில், 4,024 பேர் உயிரிழந்துள்ளனர். நேற்று ஒரே நாளில் இந்தியாவில் கொரோனாவால் 7,113 பேர் புதிதாக பாதிக்கப்பட்டுள்ள நிலையில், புதிதாக ஒரே நாளில் 156 பேர் உயிரிழந்துள்ளனர்.

பாதிக்கப்பட்டவர்களில் 57,692 பேர் குணமாகி வீடு திரும்பியுள்ளனர். தற்போது உயிரிழந்தவர்கள் மற்றும் குணம் ஆகியவர்கள் தவிர்த்து 76,820 பேர் மருத்துவமனையில் சிகிச்சை பெற்று வருகின்றனர்.